અમદાવાદમાં રિવરફ્રન્ટ પાસે સ્પોર્ટ્સ ક્લબ કંસ્ટ્રક્શન સાઇટ પર દીવાલ ધરાશાયી થવાની ઘટના બની છે. જેમાં દીવાલ ધરાશાયી થતા બે મજૂરના મોત થયા છે. જ્યારે અન્ય બે લોકો ઇજાગ્રસ્ત થયા છે.
અમદાવાદમાં દીવાલ ધરાશાયી થતા 2 લોકોના મોત
સ્પોર્ટસ ક્લબ કંસ્ટ્રક્શન સાઇટ પર બની ઘટના
રિવરફ્રન્ટ ખાતે સ્પોર્ટસ ક્લબનું કામ ચાલી રહ્યું હતું
અમદાવાદના પાલડી NID રિવરફ્રન્ટ ખાતે નિર્માણધીન સ્પોર્ટસ કલબની સાઇટ પર ભેખડ ઘસતા બે મજૂરના મોત નિપજ્યા છે. મજૂરો પીસીસીનું કામ કરી રહ્યા હતા તે સમયે અચાનક જ રિવરફ્રન્ટની દીવાલ ધરાશાયી થતા 5 જેટલા મજૂરો દટાયા હતા. જેમાંથી બે મહિલા શ્રમિકોના ઘટનાસ્થળે જ મોત નિપજ્યા હતા.
ફાયર બ્રિગેડને ઘટનાની જાણ થતા પહોંચી કાટમાળમાં દટાયેલા અન્ય ત્રણ મજૂરોને બહાર કાઢી સારવાર માટે હોસ્પિટલમાં ખસેડાયા હતા. મૃતક મહિલા શ્રમિક દિતાબેન અને સુમનબેન મૂળ મધ્યપ્રદેશના રહેવાસી છે.
તો આ સ્પોર્ટસ કલબનું કામ પટેલ ઈનફાસ્કચરને આપવામાં આવ્યું હતું. હાલ તો પોલીસે આ મામલે અકસ્માતે મોતનો ગુનો નોંધી વધુ તપાસ હાથ ધરી છે અને જો એફએસએલ તપાસમાં કોન્ટ્રકટરની કોઈ બેદરકારી સામે આવશે તો તેની સામે કાયદાકીય કાર્યવાહી કરવામાં આવશે.