અકસ્માત / બોટાદના રેફડા નજીક કાર કેનાલમાં ખાબકી, માતા-પુત્રીના ઘટનાસ્થળે મોત, એક ગંભીર

• કારસવાર 3માંથી 2ના મોત, એકને ગંભીર ઈજા
• કારસવાર માતા-પુત્રીના ઘટનાસ્થળે મોત થયા 
• નર્મદાની કેનાલના માર્ગ પરથી પસાર થઈ રહી હતી કાર

આ દુર્ઘટના ત્યારે બની જ્યારે નર્મદાની કેનાલના માર્ગ પરથી કાર પસાર થઈ રહી હતી. ભાવનગરના સરદારનગર સર્કલ પાસે પરિવાર રહેતો હતો. રેફડા ગામે ખેતર જોવા આ પરિવાર આવ્યો હતો. 

અકસ્માતમાં મૃત્યુ પામેલા માતા-પુત્રીના મૃતદેહને પોસ્ટમોર્ટમ માટે સોનાવાલા હોસ્પિટલ લઇ જવામાં આવ્યો હતો. બરવાળા પોલીસ તાત્કાલિક ઘટનાસ્થળે પહોંચી તપાસ હાથ ધરી હતી.

ભારે જહેમત બાદ કારને ટ્રેક્ટર વડે દોરડાથી બાંધીને બહાર કઢાઇ હતી. મોટી સંખ્યામાં લોકોના ટોળા અહીં એકઠા થયા હતા.