ઉનાળો / હજુ બે દિવસ આગમાંથી પડશે અંગાર, હવામાન વિભાગની વધુ અગાહી

રાજ્યમાં અંગ દઝાડતી ગરમી પડી રહી છે. ત્યારે હજુ પણ બે દિવસ હીટવેવની આગાહી હવામાન વિભાગ દ્વારા કરાઇ છે. ગતરોજ અમદાવાદમાં 10 વર્ષમાં એપ્રિલામાં સૌથી ગરમ દિવસ નોંધાયો. અમદાવાદનું તાપમાન 43.7 ડિગ્રી રહ્યું જ્યારે આજે પારો 44 ડિગ્રી પાર જાય તેવી શક્યતા છે.

આગામી બે દિવસોમા હિટવેવની આગાહી, અમદાવાદમા ગઇકાલે 43.7 ડિગ્રી સાથે રેકોર્ડ તોડ્યો, છેલ્લા 10 વર્ષમા એપ્રિલમા ત્રીજો સૌથી વધુ ગરમ દિવસ, આજે 44 ડીગ્રીને પાર થાઇ તેવી શક્યતાઓ pic.twitter.com/TFOsguz6UA

— VTV Gujarati News (@VtvGujarati) April 29, 2019

હવામાન વિભાગ દ્વારા પોરબંદર, જૂનાગઢ, ભાવનગર, રાજકોટમાં હીટવેવની આગાહી કરાઇ છે. જ્યારે અમરેલી, સુરેન્દ્રનગર, દીવ, કચ્છ, વડોદરા, સુરત અને વલસાડમાં પણ હીટવેવની આગાહી કરાઇ છે. ત્યારે અંગ દઝાડતી ગરમીમાં લોકોએ કામ વિના બહાર નીકળવાનું ટાળવું જોઇએ.

તમને જણાવી દઇએ કે આગામી સમયમાં હજુ પણ ગરમી વધી શકે તેવી હવામાન વિભાગ દ્રારા આગાહી પણ કરવામાં આવી છે. હવામાન વિભાગે આપેલી આગાહીનાં ભાગરૂપે તંત્ર દ્વારા લોકોને કામ સિવાય આ ધકધકતા અંગારા જેવાં તડકામાં બહાર ન નીકળવાની સલાહ પણ આપવામાં આવી છે.

જો કે અમદાવાદમાં રેડ એલર્ટનાં પગલે કોર્પોરેશન દ્રારા બગીચાઓને પણ 11 વાગ્યા સુધી ચાલુ રાખવાનો નિર્ણય કરવામાં આવ્યો છે. ઉપરાંત અર્બન હેલ્થ સેન્ટરો, બીઆરટીએસનાં બસ સ્ટેન્ડ તેમજ કેટલીક જાહેર જગ્યાઓ પર એનર્જી ડ્રીન્કની તેમજ છાશ-પાણીની પણ વ્યવસ્થા કરવાનું નક્કી કરવામાં આવ્યું છે. આ ઉપરાંત BRTS બસ સ્ટેન્ડ પર ORS પેકેટનું વિતરણ પણ કરવાની વ્યવસ્થા ગોઠવવામાં આવી છે.