વડોદરા / મામાના ઘરે વેકેશન ગાળવા આવેલા બે બાળકોનાં તળાવમાં ડૂબવાથી મોત 

ઘટનાની વિગત એવી છે કે, પાદરાના સંતોષપુરી નજકીથી બે બાળકો ગુમ થયા હતા. આ બંને બાળકો બપોરે અંબાજી તળાવમાં માછલીને લોટ ખવડાવવા માટે ગયા હતા, પરંતુ મોડે સુધી તેઓ ના મળી આવતા તેમની શોધખોળ હાથ ધરાઈ હતી અને આશંકા સેવાઈ હતી કે તેઓ તળાવમાં ડૂબ્યા હોઈ શકે છે.

ત્યારબાદ મોડી રાતે લોકોના ટોળા તળાવે એકત્ર થયા હતા અને બાળકોની શોધખોળ હાથ ધરાઈ હતી, પરંતુ આજે વહેલી સવારે સ્થાનિક તરવૈયાઓની મદદથી બંને બાળકોના મૃતદેહ બહાર કાઢવામાં આવ્યા. ઉલ્લેખનીય છે, આ બાળકો પોતાના મામાના ઘરે વેકેશન ગાળવા માટે આવ્યા હતા ત્યારે આ ઘટના બની હતી.