બિહારના ભાગલપુરમાંથી એક વિચિત્ર કિસ્સો સામે આવ્યો છે. અહીં આવેલા માણેકચોક વિસ્તારમાંથી ગાયબ થયેલા નવજાતના કેસમાં મોટો ખુલાસો થયો છે.
બિહારમાંથી આવ્યો વિચિત્ર કિસ્સો
પ્રેમી માટે થઈને પાડોશીનું બાળક ચોરી ગઈ મહિલા
આવી રીતે ફુટ્યો ભાંડો
બિહારના ભાગલપુરમાંથી એક વિચિત્ર કિસ્સો સામે આવ્યો છે. અહીં આવેલા માણેકચોક વિસ્તારમાંથી ગાયબ થયેલા નવજાતના કેસમાં મોટો ખુલાસો થયો છે. આ મામલામાં બિતી દેવી નામની મહિલાનો પ્રેમ પ્રસંગ ઝારખંડના ગોડ્ડા કોતરા નિવાસી શંકર યાદવ સાથે લાંબા સમયથી હોવાનું ખુલ્યું છે. બિતી દેવીએ જ્યાં માણેકચોકમાં સુબોધ યાદવ સાથે લગ્ન પણ કર્યા હતા. આ લગ્નથી બિતી દેવીને બે સંતાન પણ હતા. ત્યારે આવા સમયે બિતી દેવીને શંકર યાદવ સાથે લફરુ થયું. બિતી દેવીએ ચૂપચાપ શંકર યાદવ સાથે પણ લગ્ન કરી લીધા હતા.જો કે, બિતી દેવીએ ઓપરેશન કરાવેલુ હોવાથી કોઈ સંતાન નહીં થતા શંકરે તેને રાખવાની ના પાડી દીધી હતી. શંકરે બીતી દેવીને કહ્યુ કે, કોઈ સંતાન લઈને આવ, તો જ સાથે રાખું. આ વાતને લઈને બિતી દેવીએ પાડોશી મહિલાનું બાળક ગાયબ કરવાનું ષડયંત્ર રચ્યું હતું.
પ્રેમી અને પ્રેમિકાને જેલમાં મોકલી દીધા
બિતી દેવીને પાડોશી શીતલ યાદવના ઘરે દરરોજ ઉઠવા બેસવાનું થતું હતું. શનિવારની રાતે ઘરના તમામ લોકો ગાઢ નિંદ્રામાં સુતા હતા. તે સમયે બિતીએ બાળકને પાલવમાં છુપાવીને લઈને શંકર યાદવે આપી આવી હતી. પોલીસે જ્યારે કડકાઈથી પુછ્યું તો, સમગ્ર ભેદ ખુલ્યો હતો. પોલીસે મંગળવારે બિતી દેવી તથા શંકર યાદવને નવજાતના અપહરણના કેસમાં જેલમાં મોકલી દીધા હતા. જ્યારે નવજાતને તેની માતા સરિતા દેવી તથા પિતા શીતલ યાદવના હવાલે કરી દેવામાં આવ્યું હતું. પોતાના કાળજાના ટુકડાને પાછા મેળવીને માતા સરિતા દેવીની આંખમાંથી આંસૂ વહેવા લાગ્યા હતા.
આવી રીતે બાળકને ગાયબ કર્યું
બાંકાના માણેકચોક વિસ્તારમાં રહેતા અને બિતી દેવીના પાડોશી એવા શીતલ યાદવ (પતિ )તથા સરિતા યાદવ (પત્ની) ને ત્યાં અઢી મહિનાનું નવજાત બાળક હતું. રાતના સમયે બંને પતિ-પત્ની બાળકને લઈને સુતા હતા. સરિતા ઊંઘમાંથી જાગી તો, બાળક ગાયબ હતું. સરિતાએ જણાવ્યું હતું કે, સુબોધ યાદવની પત્ની બિતી દેવી સતત તેમના ઘરે આવતી રહેતી હતી. તેણે જ રાતના સમયે આવીને બાળક ગાયબ કરી દીધું હતું. શીતલ યાદવે નવજાત બાળક ગાયબ થયું હોવાનો રિપોર્ટ પોલીસ સ્ટેશનમાં નોંધાવ્યો હતો.