કમનસીબ / સુરતમાં બ્રિજ પર શેરડી ભરેલા ટ્રેક્ટર સાથે અન્ય વાહનની ટક્કરમાં બે બાળકોના મોત,બે નો ચમત્કારિક બચાવ

• સુરતમાં ઉભેલું ટ્રેક્ટર પલટતા બે બાળકોના મોત 
• શેરડી  ભરેલા ટ્રેક્ટર સાથે અથડાયું અન્ય વાહન 
• ઓલપાડ સેના ખાડી પુલ પરની ગમખ્વાર દુર્ઘટના 

દક્ષીણ ગુજરાતના સુરતમાં હૈયું હચમચાવી નાખે તેવી એક દુર્ઘટનામાં બે બાળકોના મોત થતા અરેરાટી પ્રસરી છે. અહીના ઓલપાડ સેના ખાડી પુલ પર શેરડી ભરેલા ટ્રેકટર નીચે દબાઈ જતા બે બાળકોના મોત થયા છે જ્યારે અન્ય બે બાળકોનો ચમત્કારિક બચાવ થયો છે. 

બે બાળકોનો ચમત્કારિક બચાવ 
સુરતના ઓલપાડ સેના ખાડી પુલ પર શેરડી ભરેલ ટ્રેક્ટરમા પંચર પડ્યું હતુ. આ સ્થિતિમાં ટ્રેકટરને જેક પર લગાવ્યું હતું . આ દરમિયાન ટ્રેક્ટરને અન્ય વાહનની ટક્કર લગતા ટ્રેક્ટર પલટી ગયું હતું.  ટ્રેક્ટર પલટી જતા ગમખ્વાર અક્સમાતમાં ચાર બાળકો દબાયા હતા. જેમાં બે બાળકોના મોત થતા ગમગીની પ્રસરી ગઈ હતી. અન્ય બે બાળકોનો ચમત્કારિક રીતે બચાવ થયો હતો. આ શેરડી ભરેલુ ટ્રેકટર પલટતાં બાળકોને બચાવવા માટે સ્થાનિક નાગરીકોએ રીતસર  હોબાળો મચાવ્યો. બે બાળકોને ત્વરિત બહાર કાઢવા માટે જેસીબીની મદદ લેવામાં આવી હતી. JCB તેની કામગીરી શરુ કરે તે દરમિયાન જ બાળકોના મોત નીપજ્યાં હતાં.  સમગ્ર ઘટના અંગે પોલીસે વધુ તપાસ હાથ ધરી છે.