અભિયાન મેગેઝીનના કારણે છેલ્લા એક વર્ષમાં બે વખત મને સીએમ ઓફિસ માં વિજય રૂપાણીની ખાસ મુલાકાત લેવાની તક મળી હતી 7 ઓગસ્ટ 2016 ના રોજ રૂપાણી એ મુખ્યમંત્રી પદ ના શપથ લીધા હતા અને બે દિવસ બાદ 9 ઓગસ્ટના રોજ મેં તેમનું ઇન્ટરવ્યુ કર્યું હતું વિજય રૂપાણીના સીએમના કાર્યકાળને એક વર્ષ પૂરું થઇ રહ્યું છે ફરી એક વાર થોડા દિવસ પહેલા સીએમ ઓફિસમાં રૂપાણીની ખાસ મુલાકાત લીધી હતી બંને મુલાકાતમાં તેમનો અંદાજ એક સરખો જ જોવા મળ્યો હતો કામ કરવાનો તેમનો તરીકો બદલાયો છે પણ તેવર એ જ છે
હા એક વર્ષના સમયમાં બદલાવ મારી જવાબદારીમાં થોડો આવ્યો હતો પહેલી મુલાકાત વખતે હું રાજકોટનો બ્યુરો ચીફ હતો અને બીજી મુલાકાત વખતે એસોસીએટ એડીટર અમારી ઈચ્છા મંગળવારે અભિયાનની ડેડલાઈન હતી એટલે બુધવારનો સમય મુલાકાત માટે માંગવાનો હતો સીએમ તરત જ ઓકે બુધવારે મળવાનું રાખીએ તેમ કહીને કોઈ પણ ફોર્માલિટી વિના બપોરનો એક વાગ્યાનો સમય નક્કી કરી દીધો હતો જયારે તેમને મળવાનું હતું તેના આગલા દિવસે જ અમરનાથ યાત્રા પર હુમલો થયો અમને એમ લાગ્યું હવે મુલાકાત નહિ થઈ શકે બીજી તારીખ માંગવી પડશે પણ અમારા આશ્ચર્ય વચ્ચે સીએમ ઓફિસમાંથી ફોન આવ્યો કે તમારી મુલાકાત પાક્કી જ છે તમે આવવાના છો ને ? બીજે દિવસે હું અને અભિયાનના તંત્રી શ્રી દત્તાણી સાહેબ સીએમ ઓફિસમાં નિયત સમયે પહોંચી ગયા હતા કેબિનેટ બેઠક કલાક મોડી ચાલી એટલે મળવાનું થોડું મોડું થયું લગભગ 40 મિનિટ અમે મળ્યા હતા જેટલા પ્રશ્નો પૂછવા હોય તેટલી છૂટ હતી કોઈ બંધનના હતું.
વિજય રૂપાણીએ સીએમ તરીકેના એક વર્ષના કાર્યકાળને કેન્દ્રમાં રાખી કોઈ મીડિયાને મુલાકાત આપી હોય તો તેમાં અભિયાન મેગેઝીન પહેલું હતું મિત્રો કાલે શુક્રવારે અભિયાનનો અંક બુક સ્ટોલ પર આવી જશે જો જો શું કહ્યું હતું તેમણે ? દેવેન્દ્ર જાની અભિયાન મેગેઝીનના અસોસિયેટ એડિટર છે.