ભાવનગર / કાકીડી ગામે ભેંસ ચરાવા ગયેલા બે સગા ભાઈઓ તળાવમાં ડૂબ્યા, એકનો મૃતદેહ બહાર કાઢ્યો

મહુવા તાલુકાના કાકીડી ગામે બે બાળકો ડૂબ્યાની ઘટના સામે આવી છે. જેમાં ભેંસ ચરાવા જતી વખતે ઓમ બારોટ ભેંસ પર બેઠો હતો. ત્યારબાદ ભેંસ તળાવમાં જતી રહેતા ઓમ પાણીમાં ડૂબવા લાગ્યો હતો. તેને બચાવવા માટે તેનો મોટા ભાઇ મોંટુ તેની પાછળ પાણીમાં જતા બન્ને ભાઇઓ પાણીમાં ડૂબ્યા હતા. જેમાંના નાના ભાઇ ઓમનો મૃતદેહ મળી આવ્યો હતો. જ્યારે મોટાભાઇ મોંટુની શોધખોળ તંત્ર દ્વારા શરૂ કરવામાં આવી રહી છે.

આ ઘટનાની જાણ થતાં જ મામલતદાર અને 108 ઘટના સ્થળે પહોચ્યા હતાં. ગ્રામજનો અને રેસ્ક્યુ કરી ઓમ નામના બાળકોનો મૃતદેહ બહાર કાઢ્યો છે. જ્યારે હજુ પણ એક બાળકની શોધખોળ ચાલુ છે.

મહત્વનું છે કે ઘટના સ્થળે તાલુકા વિકાસ અધિકારી સહિતનો કાફલો પહોંચ્યો હતો. આ ઘટના બનતા કાકીડી ગામમાં શોકનો માહોલ સર્જાયો છે. જ્યારે બન્ને સગા ભાઇ ડૂબતા પરિવારમાં પણ અરેરાટી મચી જવા પામી છે.