વરસાદની ઋતુમાં ઘરની બહાર નીકળતા પહેલા સાચવજો નહીં તો રસ્તાઓ પર પડેલા ખાડા ક્યાંક તમારો જીવ ના લઇ લે.
વેસ્ટર્ન એક્સપ્રેસ હાઇવે નેશનલ પાર્ક બ્રિજ પર અકસ્માત
ખાડાના કારણે બે બાઇકસવારો મોતને ભેટ્યાં
ડમ્પરચાલકે પાછળથી ટક્કર મારતા બંનેના મોત
મુંબઈના વેસ્ટર્ન એક્સપ્રેસ હાઇવે નેશનલ પાર્ક બ્રિજ પર ખાડાના કારણે બે બાઇક સવારોના મોત થયાની ઘટના સામે આવી છે. જેમાં પાછળથી પૂરપાટે આવતા એક ડમ્પરે બંનેને કચડી નાખતા બંને બાઇકસવારોએ ઘટનાસ્થળે જ જીવ ગુમાવ્યો. જો કે, પોલીસે ડમ્પર ચાલકની ધરપકડ કરી લીધી છે.
Mumbai | Two bike riders were killed on the Western Express Highway National Park Bridge after they fell due to a pothole. They were crushed by a dumper coming from the rear, both of them died on the spot. Police have arrested the dumper driver. pic.twitter.com/mFgYlrYsNj
મહત્વનું છે કે, વરસાદના કારણે બિસ્માર બનેલા રસ્તાથી લોકો ભારે હાલાકી ભોગવી રહ્યાં છે. વરસાદના દિવસોમાં રસ્તામાં પડેલા ખાડાના પગલે છાશવારે મોટી દુર્ઘટનાઓ પણ બનતી રહે છે. જેના કેટલાંય લોકો શિકાર બનતા હોય છે. જાહેર રસ્તા પર ઠેર-ઠેર ગાબડાં પડી જતા તેમાં પાણી ભરાઇ જવાના કારણે લોકો અકસ્માતનો ભોગ બનતા હોય છે. જેના લીધે લોકોમાં ઉગ્ર રોષ જોવા મળી રહ્યો છે.
તમને વિગતવાર જણાવી દઇએ કે, બોરીવલી પૂર્વ નેશનલ પાર્ક હાઇવે બ્રિજ પર બંને તરફના રસ્તાઓ પર મોટા-મોટા ખાડા પડી ગયા છે. ત્યારે 17 ઓગસ્ટના રોજ બપોરના અંદાજે ડોઢેક વાગ્યાની આસપાસ મુંબઇથી દહીસર તરફ એક બાઇક પર બે બાઇક સવારો જઇ રહ્યાં હતા. એ દરમ્યાન નેશનલ પાર્ક બ્રિજ પર મોટા-મોટા ખાડા હોવાના કારણે બાઇકચાલકે અચાનક બ્રેક મારી. જેના લીધે પાછળથી ફુલ સ્પીડમાં આવી રહેલ ડમ્પરે બાઇકને જોરદાર ટક્કર મારતા બંને બાઇકસવારોના ઘટનાસ્થળે જ મોત નિપજ્યા હતા. જો કે, આ ઘટનાની જાણ થતા તુરંત કસ્તૂરબા પોલીસ ઘટનાસ્થળે પહોંચી ગઇ હતી.
આ ઘટનામાં પોલીસે ડમ્પર ચાલકની ધરપકડ કરી લીધી છે
હાલમાં આ ઘટનામાં પોલીસે ડમ્પર ચાલકની ધરપકડ કરી લીધી છે. તેમજ બંને મૃતકોમાં એક મહિલા અને એક પુરુષ છે. બાદમાં બંનેના મૃતદેહને પોસ્ટમોર્ટમ માટે ખસેડવામાં આવ્યા હતા. હાલ તેઓના પરિવારમાં ભારે શોકનો માહોલ જોવા મળી રહ્યો છે.