કાર્યવાહી / અમદાવાદની ટેસ્ટ મેચમાં ધમકી આપવા મામલે બેની ધરપકડ, મધ્ય પ્રદેશ સુધી પહોંચી અમદાવાદ પોલીસ, થયો મોટો ખુલાસો

• અમદાવાદમાં ધમકી મામલે 2ની ધરપકડ
• ખાલિસ્તની ગ્રુપે આપી હતી ધમકી
• સાયબર સેલે 2 આરોપીની કરી ધરપકડ

અમદાવાદમાં ભારત-ઓસ્ટ્રેલિયા વચ્ચેના મેચ દરમિયાન ખાલિસ્તની ગ્રુપ દ્વારા ધમકી આપવામાં આવી હતી. જેને પગલે પોલીસ સતર્ક બની હતી અને પોલીસે કાર્યવાહી હાથ ધરી ધમકી પ્રકરણમાં સંડોવાલે 2 આરોપીને પોલીસે દબોચી લીધા છે. સાયબર સેલે મધ્યપ્રદેશના 2 આરોપીની ધરપકડ કરી લીધી છે. જેની તપાસમાં સામે આવ્યું કે સીમ બોક્ષનો ઉપયોગ કરી આરોપીઓ ધમકીઓ આપી રહ્યા હતા. જેમાં સીમ બોક્ષને ટ્રેસ કરવામાં સાયબર સેલને સફળતા સાંપડી છે.

શું હતો સમગ્ર મામલો ? 

ડીસીપી અજિત રાજીયને માહિતી આપી જણાવ્યું કે વાયરલ મેસેજને પગલે અમે મધ્યપ્રદેશના બે આરોપીઓ સુધી પહોંચ્યા હતા. હાલ ખાલીસ્તાન સાથે આ મામલાને સબંધ છે કે કેમ તે અંગે તપાસ ચાલી રહી છે. જેમાં આરોપીઓને લાલચ આપી મેસેજ વાયરલ કરાયો હતો. આરોપીઓએ ટેક્નિકલથી મેસેજ વાયરલ કર્યો હતો. છતાં તેને દબોચી લેવામાં સફળતા મળી છે.ભારત-ઓસ્ટ્રેલિયા વચ્ચેની ટેસ્ટ મેચ જોવા જતા હોવ તો સાવધાન રહેજો.ખાલીસ્તાની આતંકીઓએ ગુજરાતના લોકોને "ઘરમાં રહો, સુરક્ષીત રહો" ના પ્રિરેકોર્ડેડ મેસેજ કરીને ગર્ભીત ધમકી આપી હતી. જે મેસેજ અમદાવાદ ક્રાઈમ બ્રાન્ચે ટ્રેસ કરીને તેની જાણવાજોગ નોંધ કરી હતી.એટલું જ નહીં, આ ગર્ભીત ધમકીને લઈને મેચ રમવા આવેલા બન્ને દેશના ખેલાડીઓ સહિત દર્શકોની સુરક્ષા પણ ખાનગી રીતે વધારી દેવઆ આવી હતી.

મેસેજને સોશિયલ મીડિયાના માધ્યમથી પણ સ્પ્રેડ કરાયા હતા
 ક્રાઇમ બ્રાંચની તપાસમાં અમેરિકન બેઝ ખાલીસ્તાની ટેરરીસ્ટ ગુરપતવંતસિંહ પન્નુના અવાજમાં રેકોર્ડ કરેલા મેસેજ હોવાનું સામે આવ્યું હતું. આ મેસેજને સોસિયલ મીડિયાના માધ્યમથી પણ સ્પ્રેડ કરવામાં આવી રહ્યો હતી. હાલ આ મેસેજને પોલીસ એટલા માટે ગંભીરતાથી લઈ રહી હતી કારણ કે, બન્ને દેશના વડાપ્રધાન ગુરૂવારે સ્ટેડિયમ પર પણ મેચ જોવા પહોંચ્યા હતા. જેના પગલે હવે બન્ને દેશના ખેલાડીઓ અને સ્ટેડિમમાં મેચ જોવા આવતા દર્શકોની સુરક્ષામાં વધારો કરી દેવાયો હતો અને પોલીસે બન્નેને દબોચી લીધા હતા.