ટેરર / દેશ માટે શોકના સમાચાર, શોપિયા એન્કાઉન્ટરમાં સેનાના 2 જવાન શહીદ, 2 આતંકી ઠાર

• જમ્મુ કાશ્મીરના શોપિયામાં એન્કાઉન્ટર
• આતંકીઓ અને સુરક્ષા દળો વચ્ચે થયું એન્કાઉન્ટર
• સેનાના 2 જવાન શહીદ, 2 આતંકી ઠાર

જમ્મુ કાશ્મીરના શોપિયામાં આજે સવારે આતંકીઓ સાથેના એન્કાઉન્ટરમાં ભારતીય સેનાના બે જવાન શહીદ થયા છે. શોપિયામાં આતંકીઓ છુપાયા હોવાની બાતમી મળતા સુરક્ષા દળો સજ્જ થયા હતા અને આતંકીઓ જ્યાં છુપાયા હતા તે વિસ્તારને ઘેરી લેવામાં આવ્યો હતો. આ દરમિયાન આતંકીઓએ પણ સુરક્ષા દળના જવાનો પર ગોળીબાર કર્યો હતો જેમાં 2 જવાન શહીદ થયા હતા. 

Two Army men killed in encounter in south Kashmir's Shopian district: Officials

— Press Trust of India (@PTI_News) February 19, 2022

2 આતંકી ઠાર
ભારતીય સેનાએ પણ બરાબરનો ગોળીબાર કરીને 2 આતંકીને ઠાર કર્યાં હતા. આ એન્કાઉન્ટર શોપિયાંના જેનપોરાના ચેરમાર્ગ ગામમાં થયું હતું. સુરક્ષા દળો માટે સર્ચ ઓપરેશન હજુ પણ ચાલુ છે.હાલ તો આતંકીઓ કયા સંગઠન સાથે જોડાયેલા છે તે જાણી શકાયું નથી. એન્કાઉન્ટર પૂરું થયા બાદ સુરક્ષા દળો અને સ્થાનિક પોલીસ તેની તપાસ કરશે.

સર્ચ ઓપરેશનમાં  ડ્રોનનો ઉપયોગ 

છેલ્લા કેટલાક વર્ષોમાં સુરક્ષાદળોએ આતંકીઓનો સામનો કરવા માટે હાઈટેક ટેક્નોલોજીનો ઉપયોગ શરૂ કરી દીધો છે. હવે, સુરક્ષા દળો એન્કાઉન્ટર દરમિયાન આતંકવાદીઓની ચોક્કસ સ્થિતિ જાણવા અને સર્ચ ઓપરેશન હાથ ધરવા માટે ડ્રોન કેમેરાનો ઉપયોગ કરી રહ્યા છે. આનાથી આતંકીઓ દ્વારા કરવામાં આવેલા ફાયરિંગથી નુકસાન થવાની સંભાવના ઘણી ઓછી થઈ ગઈ છે. શનિવારે થયેલા એન્કાઉન્ટર દરમિયાન પણ સુરક્ષા દળો ડ્રોન કેમેરાની મદદથી સર્ચ ઓપરેશન કરતા જોવા મળ્યા હતા.