શરમજનક / બે બાળકોની સામે ગર્ભવતી મહિલાનો ગેંગરેપ, પોલીસે 2 નરાધમોની કરી ધરપકડ

• 22 વર્ષીય ગર્ભવતી મહિલા સાથે ગેંગરેપ
• દુષ્કર્મના આરોપ હેઠળ પોલીસે 2 યુવકોની ધરપકડ 
• મહિલાએ પોલીસ સ્ટેશનમાં કરી ફરીયાદ

બક્સરના મુફસ્સિલ પોલીસ સ્ટેશન વિસ્તારના એક ગામમાં શનિવાર તથા રવિવાર દરમિયાનની રાતે 22 વર્ષીય ગર્ભવતી મહિલા સાથે દુષ્કર્મના આરોપ હેઠળ પોલીસે 2 યુવકોની ધરપકડ કરી છે. કોર્ટે આરોપી ગોલૂ ચૌહાન(20) અને લાલજી ચૌહાન(19)ને ન્યાયિક કસ્ટડીમાં મોકલ્યા છે.

બાળકોની સામે ગર્ભવતી સાથે ગેંગ રેપ

પોલીસે કહ્યું કે મહિલાના બે સગીર બાળકો જેમાં એક દીકરો અને એક દીકરી છે તેમની સામે રાતે 1 વાગે આરોપીઓએ ગેંગરેપ કર્યો હતો. બન્ને બાળકોની ચીસ સાંભળીને પડોશીઓએ પોલીસ બોલાવી હતી.  આ બાદ આરોપીઓ ભાગી ગયા હતા. પરંતુ પોલીસે તેમની ધરપકડ કરી હતી.

મહિલાએ પોલીસ સ્ટેશનમાં કરી ફરીયાદ

મહિલાએ આ ઘટનાની ફરિયાદ બક્સરમાં મહિલા પોલીસ સ્ટેશનમાં નોંધાવી છે. મહિલા પોલીસ સ્ટેશનના પીઆઈ નીતૂ પ્રિયાએ કહ્યું કે ગેંગરેપ દરમિયાન આરોપી ગોલૂએ મહિલાને પકડી રાખી હતી જ્યારે બીજા આરોપી લાલજીએ મહિલાનું ગળુ દબાવી રાખ્યુ હતુ. જેથી તે બુમો ન પાડી શકે.  ગરમીના કારણે મહિલાએ ઘરને મેન ગેટ ખુલ્લો રાખ્યો હતો. જેનો ફાયદો ઉઠાવીને બન્ને આરોપી ઘરમાં ઘૂસીને બળાત્કાર કર્યો હતો. મહિલાનો મેડિકલ ટેસ્ટ કરાવાયો છે.

પતિ રોજગાર માટે બીજા રાજ્યમાં

નીતૂના જણાવ્યાનુંસાર મહિલા પોતાના બે બાળકો સાથે ગામમાં એકલી રહે છે. કેમ કે તેનો પતિ બીજા રાજ્યમાં એક ખાનગી કારખાનામાં કામ કરે છે.  ત્યારે ડીસીપી ગોરખ રામે કહ્યું કે હજું એ નથી જાણી શકાયું કે આરોપીઓ મહિલાને પહેલા પણ હેરાન કરી હતી કે કેમ. તેમણે કહ્યું કે પોલીસ કેસની ઉંડાણ પૂર્વક તપાસ કરશે.