IPLIN
 
  • Home
  • India
  • twitter users shares images of ground reality on union minister nitin gadkari claim

દાવો / સારા કામની જાહેરાત કરી તોય ટ્રોલ થયા નીતિન ગડકરી, જોઈને કહો સાચું કે ખોટું, લોકોની રાહતની વાત

Team VTV 03:45 PM, 17 Dec 22 | Updated: 04:01 PM, 17 Dec 22
Follow us
twitter users shares images of ground reality on union minister nitin gadkari claim

કેન્દ્રીય પરિવહન મંત્રી નીતિન ગડકરીના એક દાવાએ સોશિયલ મીડિયા પર તરખાટ મચાવ્યો છે.

  • કેન્દ્રીય પરિવહન મંત્રીનો મોટો દાવો
  • 2024 સુધી ભારતના રોડ બની જશે અમેરિકા જેવા
  • સોશિયલ મીડિયામાં ગડકરીના નિવેદન પર મચ્યું બુમરાણ 

કેન્દ્રીય માર્ગ પરિવહન અને રાજમાર્ગ મંત્રી નીતિન ગડકરીએ કહ્યું છે કે, 2024ના અંત પહેલા ભારતનું રોડ ઈન્ફ્રાસ્ટ્રક્ચર અમેરિકાના માપદંડોની સમકક્ષ હશે.  ફિક્કી વાર્ષિક સંમેલનમાં બોલતાં ગડકરીએ કહ્યું કે અમે દેશમાં વૈશ્વિક કક્ષાના ધોરણોના રોડ ઇન્ફ્રાસ્ટ્રક્ચરનું નિર્માણ કરી રહ્યા છીએ. હાલમાં ભારતના ઘણા બધા રોડ ખરાબ છે અને ગડકરીનું આવું નિવેદન સ્વીકાર્ય યોગ્ય છે. જો તેમની આગાહી પ્રમાણે કામ થઈ જાય તો ભારતના બધા રોડ સારા થઈ જશે. 

ટ્વિટર યૂઝર્સને તડાકો પડ્યો 
ગડકરીનો આ દાવો જેવો ટ્વિટર પર શેર થયો કે તરત જ યૂઝર્સ તૂટી પડ્યાં હતા.  લોકો ઘણી તસવીર રજૂ કરીને ગડકરીને વાસ્તવિકતા સમજાવી. 
એક યૂઝરે લખ્યું કે અમને અમેરિકાના સ્ટાન્ડર્ડની જરૂર નથી. મુંબઈ-ગોવા રોડ (ખાસ કરીને પનવેલથી માનગાંવ સુધીનો) છેલ્લાં 10-15 વર્ષમાં હું જે રસ્તા પર ચાલ્યો કે સૌથી ખરાબ છે. શા માટે તેને કોઈ રિપેર કરાવતું નથી. કેન્દ્રીય મંત્રીને ટેગ કરીને લખ્યું - મોટાભાગના નેશનલ હાઇવેની હાલત ખૂબ જ ખરાબ છે. તમે માત્ર મૈસૂર-બેંગલુરુ એક્સપ્રેસ વે પર વાહન ચલાવો છો અને જુઓ કે નવો હાઇવે કેટલો ખરાબ છે. બીજા યૂઝરે લખ્યું કે આગામી કેટલાક મહિનામાં કોઈ મોટી ચૂંટણી નથી, હવે આવી મજાક નહીં ચાલે. બીજા પણ ઘણા લોકોએ તેમના આ દાવા પર સવાલ ઉઠાવ્યાં હતા.  

ભારતના રસ્તાઓ ખૂબ ખરાબ
ઉલ્લેખનીય છે કે હાલમાં ભારતના ઘણા બધા રસ્તાઓ ખરાબ છે જેને સુધારવા માટે કામ ચાલી રહ્યું છે. ગડકરીના તાજેતરના નિવેદનથી હવે આશા જાગી છે કે દેશના રોડ સારા થઈ જશે. 

Nitin Gadkari twitter users Viral News નીતિન ગડકરી વાયરલ ન્યૂઝ
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ