ગજબ / Twitter પર આ વ્યક્તિ કરે છે સચોટ ભવિષ્યવાણી: 3 મોટી વાતો સાચી સાબિત થઈ, દ્રૌપદી મુર્મૂના નામની થઈ જાહેરાત

• એનડીએ તરફથી દ્રૌપદી મુર્મૂને બનાવ્યા રાષ્ટ્રપતિ પદના ઉમેદવાર
• આ જાહેરાત સાથે એક ટ્વિટર યુઝર ચર્ચામાં આવ્યો
• તેણે કરેલી મોટી ભવિષ્યવાણી સાચી પડી

રાષ્ટ્રપતિ પદ માટે ચૂંટણીમાં NDA તરફથી ઉમેદવાર તરીકે દ્રૌપદી મુર્મૂના નામની જાહેરાત કરવામાં આવી છે. ભાજપના રાષ્ટ્રીય અધ્યક્ષ જેપી નડ્ડાએ મંગળવારે દ્રૌપદી મુર્મૂના નામની જાહેરાત કરી હતી. એનડીએ તરફથી કોને રાષ્ટ્રપતિ બનાવી શકાય છે, તેને લઈને ચર્ચાઓ ચાલી રહી હતી, પણ તેની વચ્ચે જ મૂર્મુના નામની જાહેરાત કરવામાં આવી હતી. જેનો અંદાજો કેટલાય લોકોને નહોતો.

જો કે, એક ટ્વિટર યુઝર્સે પહેલાથી જ આ માટે ટ્વિટ કરીને કહ્યું હતું કે, દ્રૌપદી મુર્મૂ એનડીએના રાષ્ટ્રપતિ ઉમેદવાર હોઈ શકે છે. હવે આ યુઝર્સ ચર્ચામાં આવ્યો છે. રસપ્રદ વાત એ છે કે, આ યુઝર્સે દ્રૌપદી મુર્મૂ ઉપરાંત અગાઉ પણ બે મોટી ભવિષ્યવાણી કરી હતી, જે સાચી સાબિત થઈ છે. 

I am potentially on the verge of internet immortality. Come on Modi ji. Just do it! pic.twitter.com/b2KMdoFyEv

— Niks (@niks_1985) June 13, 2022

નિક્સના નામના યુઝર્સનું ટ્વિટ હવે વાયરલ થઈ રહ્યું છે, જેમાં ત્રણ મોટી ભવિષ્યવાણી કરવામાં આવી છે. તેમાં એક ટ્વિટ 2018નું છે. તેમાં યુઝર કહે છે કે, નીરજ ચોપડા ઓલંપિક મેડલ લઈને આવશે. નીરજ ચોપડાએ આ વાત ટોક્યો ઓલંપિકમાં સાબિત કરી દીધી અને તેને ગોલ્ડ મેડલ પણ જીત્યો.

તો વળી અન્ય એક ટ્વીટ 2016માં કર્યું હતું, જેમાં રામનાથ કોવિંડને એનડીએ તરફથી રાષ્ટ્રપતિ ઉમેદવાર બનાવાની વાત કહી હતી. ત્યાર બાદ એજ મહિના 9 જૂનના રોજ એક ટ્વિટ કર્યું જેમાં તેમણે દ્રૌપદી મુર્મૂને રાષ્ટ્રપતિ ઉમેદવાર બનાવશે તેવી પણ જાહેરાત કરી હતી. જે વાત પણ સાચી સાબિત થઈ.