IPLIN
 

ચેતવણી / ટ્વિટરે પહેલી વાર US રાષ્ટ્રપતિને આપી ચેતવણી, ટ્રમ્પ ભડક્યાં અને કહ્યું એવું કે....

Team VTV 08:35 AM, 27 May 20 | Updated: 09:35 AM, 27 May 20
Follow us
Twitter says no sanctions against trump for abusive tweets

વિશ્વના સૌથી શક્તિશાળી દેશ અમેરિકાના રાષ્ટ્રપતિ ડોનાલ્ડ ટ્રમ્પ કોરોના સામેની લડાઇને લઇને  ટીકાઓથી ઘેરાયેલા છે. આ દરમિયાન સોશિયલ નેટવર્કિંગ સાઇટ ટ્વિટરએ ટ્રમ્પને પહેલીવાર ચેતવણી આપી છે. યુ.એસ. રાષ્ટ્રપતિ ટ્રમ્પના કેટલાક ટ્વીટ્સને ફ્લેગ લગાવીને ટ્વિટરે ફેક્ટ-ચેક ચેતવણી આપી છે. સોશિયલ મીડિયા પ્લેટફોર્મ ટ્વિટર પર અમેરિકી રાષ્ટ્રપતિને ચેતવણી આપવાની આ પહેલી ઘટના છે. જો કે ચેતવણી બાદ ટ્રમ્પે તેને બોલવાની સ્વતંત્રતા વિરુદ્ધનું જણાવ્યું. ડોનાલ્ડ ટ્રમ્પે આ મામલાને અમેરિકાની રાષ્ટ્રપતિ ચૂંટણીમાં દખલગીરી તરીકે ગણાવી. 

  • અમેરિકી રાષ્ટ્રપતિ ડોનાલ્ડ ટ્રમ્પને ટ્વીટરની ચેતવણી 
  • ટ્વીટરે ડોનાલ્ડ ટ્રમ્પના બે ટ્વીટ પર ચેતવણી આપી 
  • ટ્મ્પે આ ચેતવણીને બોલવાની સ્વતંત્રતાની વિરુદ્ધ ગણાવી

ડોનાલ્ડ ટ્રમ્પના મંગળવારના બે ટ્વિટ પર ટ્વિટર તરફથી ચેતવણી આપવામાં આવી છે. મેલ-ઇન બેલેટસ ને ફેક અને મેલ બોક્સ લૂટ લિયા જાયેગા કહેતા ટ્રમ્પે સત્તાવાર એકાઉન્ટમાંથી કેટલાંક ટ્વિટ કર્યાં હતા. હવે ટ્વિટ પર એક લિંક આવી રહી છે, જેના પર લખ્યું છે કે મેલ-ઇન બેલેટ્સ અંગે હકિકત જાણો. આ લિંક ટ્વિટર યૂઝર્સની મોમેંટસ પેજ પર ફેક્ટ ચેક માટે લઇ જાય છે. અહીં ટ્રમ્પના અપ્રમાણિત દાવાઓના સંબંધના સમાચાર જોવા મળે છે. 
 

આ વચ્ચે ડોનાલ્ડ ટ્રમ્પે સતત બે ટ્વિટ કરી આ પગલા પર નિશાન તાક્યું છે. ટ્રમ્પે પહેલા બે ટ્વિટ માં લખ્યું કે ટ્વિટર હવે 2020ની અમેરિકાની ચૂંટણીમાં દખલ કરી રહ્યું છે. તેઓ કહી રહ્યાં છે કે મેલ-ઇન બેલટસ અંગેનું મારું નિવેદન મોટા ભ્રષ્ટાચાર અને ફ્રોડને જન્મ આપશે. આ ખોટું છે. આ ફેક ન્યૂઝ CNN અને એમોઝોન વોશિંગ્ટન પોસ્ટની ફેક્ટ ચેકિંગ પર આધારિત છે. 
 

એક બીજા ટ્વિટમાં ટ્રમ્પે કહ્યું, ટ્વિટર સંપૂર્ણ રીતે બોલવાની સ્વતંત્રા પર હુમલો કરી રહ્યું છે. એક રાષ્ટ્રપતિ તરીકે હું આવું નહી થવા દઉ. ઉલ્લેખનીય છે કે કોરોના વાયરના વધતા કેસ વચ્ચે અમેરિકાના રાષ્ટ્રપતિ ડોનાલ્ડ ટ્રમ્પ ગોલ્ફ રમતા નજર આવ્યાં હતા. જેને લઇને ટીકાઓનો સામનો કરવો પડ્યો હતો. ત્યારબાદ મીડિયા પર નિશાન તાકતાં ટ્વિટ કર્યું હતું કે ફેક અને ભ્રષ્ટ ન્યૂઝ આને એવી રીતે બતાવે કે જાણે મે કોઇ પાપ કર્યું હોય. 

Donald Trump Ameica President અમેરિકા રાષ્ટ્રપતિ ડોનાલ્ડ ટ્રમ્પ ટ્વિટર Twitter
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ