કોંગ્રેસ નેતા રાહુલ ગાંધી પર કાર્યવાહી કરતા ટ્વિટરે તેમની વિવાદાસ્પદ ટ્વિટને હટાવી છે. ટ્વિટમાં રાહુલે રેપ પીડિતાના પરિવારની ઓળખ છતી કરી હતી.
ટ્વિટરે કરી રાહુલ ગાંધી પર કાર્યવાહી
રાહુલ ગાંધીની ટ્વિટ પર ટ્વિટરનું ફરી એકવાર કડક વલણ
રેપ પીડિતાના પરિવારનો ફોટો શેર કરવાની ટ્વિટને હટાવી
કોંગ્રેસ નેતા રાહુલ ગાંધી પર કાર્યવાહી કરતા ટ્વિટરે તેમની વિવાદાસ્પદ ટ્વિટને હટાવી છે. ટ્વિટમાં રાહુલે રેપ પીડિતાના પરિવારની ઓળખ છતી કરી હતી.તેને લઈને ટ્વિટરને ફરિયાદ કરવામાં આવી અને આ પછી કંપનીએ કોંગ્રેસ નેતાની ટ્વિટને હટાવી છે.
Twitter takes down Rahul Gandhi's tweet that revealed identity of minor rape-murder victim's relatives
માઈક્રોબ્લોગિંગ સાઈટ ટ્વિટરે કોંગ્રેસ નેતા રાહુલ ગાંધી પર કાર્યવાહી કરી છે અને તેમની વિવાદાસ્પદ ટ્વિટને હટાવી છે. દિલ્હીમાં સગીર યુવતી સાથે રેપ કર્યા બાદ તેની હત્યાની ઘટનાને લઈને રાહુલ ગાંધીએ પરિવારની મુલાકાત લીધી હતી. આ પછી એક ફોટો ટ્વિટર હેન્ડલ પર શેર કર્યો જેમાં પીડિતાના માતા પિતા જોવા મળી રહ્યા હતા. આને લઈને ચર્ચાએ જોર પકડ્યું.
Twitter appears to have taken down Congress leader Rahul Gandhi’s tweet for revealing victim's identity in alleged rape & murder case of minor in Delhi pic.twitter.com/MAH8OmSRbi
NCPCRએ કરી હતી ફરિયાદ
રેપ પીડિતાના પરિવારની ઓળખ છતી કરવાને લઈને આખા દેશમાં રાહુલ ગાંધીની આલોચના થઈ રહી હતી. આ સંબંધમાં રાષ્ટ્રિય બાળ અધિકાર સંરક્ષણ આયોગ દ્વારા ટ્વિટરને ફરિયાદ કરવામાં આવી અને સાથે કોંગ્રેસ નેતાની વિરોધમાં કાર્યવાહીની માંગણી પણ કરાઈ. તેના ભાગરૂપે રાહુલ ગાંધીની ટ્વિટને હટાવવામાં આવી છે.
આ કાયદાનું કર્યું છે ઉલ્લંઘન
આયોગની તરફથી ટ્વિટર ઈન્ડિયાની ફરિયાદ અધિકારીના પક્ષમાં કહેવાયું છે કે કોઈ પણ સગીર પીડિતાના પરિવારની ઓળખ ટ્વિટર પર પોસ્ટ કરવી તે કિશોર ન્યાય કાયદા 2015ની કલમ 74 અને બાળ યૌન અપરાધ રોકથામ કાયદો 23નું ઉલ્લંઘન છે. આ ફરિયાદના આધારે માઈક્રોબ્લોગિંગ સાઈટ ટ્વિટરે રાહુલ ગાંધીની ટ્વિટને હટાવી છે.
શું હતી સમગ્ર ઘટના
કોંગ્રેસ નેતા વિવાદાસ્પદ ફોટોની સાથે ટ્વિટ કરીને કહી રહ્યા હતા કે માતા પિતાના આંસુ ફક્ત એક જ વાત કહી રહ્યા છે કે તેમની દીકરી દેશની દીકરી ન્યાયની હકદાર છે. ન્યાયના રસ્તા પર હું તેમની સાથે છું. ઉલ્લેખનીય છે કે દિલ્હીના કેન્ટમાં 9 વર્ષની બાળકી પર સંદિગ્ધ પરિસ્થિતિમાં રેપ બાદ મોત થયું. માતા પિતાએ આરોપ લગાવ્યો કે બાળકીનું યૌન શોષણ કરાયું છે. શ્મશાન ઘાટના પૂજારીએ તેમની સહમતિ વિના જ બાળકીના અંતિમ સંસ્કાર કર્યા છે. પોલીસે પૂજારી સહિત 4 લોકોની ધરપકડ કરી છે. રાહુલ ગાંધીએ 4 ઓગસ્ટે પીડિત પરિવારની મુલાકાત લીધી હતી.