IPLIN
 

US Violence / ડોનાલ્ડ ટ્રમ્પનું ટ્વિટર એકાઉન્ટ હંમેશા માટે કરાયું સસ્પેન્ડ, કંપનીએ આપ્યું આ મોટું કારણ

Team VTV 08:14 AM, 09 Jan 21
Follow us
twitter permanently suspends donald trump from its platform

માઈક્રો બ્લોગિંગ સાઈટ ટ્વિટરે રાષ્ટ્રપતિ ડોનાલ્ડ ટ્રમ્પના પર્સનલ એકાઉન્ટને હંમેશા માટે સસ્પેન્ડ કર્યું છે. ટ્વિટરની તરફથી આ એક્શન અમેરિકી સંસદ પરિસરમાં થયેલી હિંસાના બાદ લેવાયું છે. કંપનીએ કહ્યું કે તેમને એ વાતનો ખતરો છે કે ટ્રમ્પ હિંસાને ભડકાવી શકે છે. આ પહેલાં પણ ટ્રમ્પના ટ્વિટર એકાઉન્ટને 12 કલાક માટે બંધ કરાયું હતું અને તેમને આ માટેની ચેતવણી પણ અપાઈ હતી.

  • ટ્વિટરે રાષ્ટ્રપતિ ડોનાલ્ડ ટ્રમ્પ વિરુદ્ધ લીધું એક્શન
  • ટ્રમ્પના પર્સનલ એકાઉન્ટને હંમેશા માટે સસ્પેન્ડ કર્યું 
  • ટ્રમ્પ હિંસાને ભડકાવી શકે છેઃ ટ્વિટર

 
ટ્વિટરે બુધવારે ટ્રમ્પના એકાઉન્ટને 12 કલાક માટે બ્લોક કર્યું હતુ અને સાથે એક વીડિયો સહિત તેમના 3 ટ્વિટને પણ હટાવી દીધા હતા. કંપનીએ તેમના એકાઉન્ટને રીવ્યૂ કર્યા બાદ આ મોટો નિર્ણય લીધો છે. ટ્વિટરની દલીલ છે કે ટ્રમ્પ વારેઘડી નિયમોનું ઉલ્લંઘન કરી રહ્યા છે. ટ્વિટરના આ એક્શન બાદના કેમ્પેન એડવાઈઝર જૈસન મિલરે ટ્વિટ કરતાં નારાજગી વ્યક્ત કરી છે. 

ફેસબુકે પણ લીધું એક્શન

આ પહેલાં ફેસબુકે પણ બુધવારે 2 નીતિગત ઉલ્લંઘનોના કારણે ટ્રમ્પના એકાઉન્ટને 24 કલાક માટે બ્લોક કર્યું હતું. ફેસબુકના સંસ્થાપક માર્ક ઝુકરબર્ગે ગુરુવારે કહ્યું કે અમેરિકાના નવનિર્વાચિત રાષ્ટ્રપતિ જો બાયડનના શપથ ગ્રહણ થાય ત્યાં સુધી દેશના નિવર્તમાન રાષ્ટ્રપતિ ડોનાલ્ડ ટ્રમ્પ  ફેસબુક અને ઇન્સ્ટાગ્રામનો ઉપયોગ કરી શકશે નહીં. આ શપથ ગ્રહણ સમારોહ 20 જાન્યુઆરીએ આયોજિત થવાનો છે. 
 

શું થયું હતું અમેરિકાના સંસદ ભવનમાં

બુધવારે ટ્રમ્પના હજારો સમર્થકો યૂએસ કેપિટલમાં ઘૂસી ગયા અને સાથે સંયુક્ત સત્રને રોકવાની કોશિશ કરી હતી. સંવૈધાનિક પ્રક્રિયાના આધારે તે સમયે સંસજના સંયુક્ત સત્રમાં નવનિર્વાચિત રાષ્ટ્રપતિ જો બાયડનની જીતની પુષ્ટિ થવાની હતી. ટ્રમ્પ સમર્થકોએ પોલીસની સાથે પણ બબાલ કરી અને આ ઘટનામાં 4 લોકોના મોત થયા હતા. જે લોકો કેપિટલમાં ઘૂસ્યા હતા ટ્રમ્પે તેમને ટ્વિટર પર દેશભક્ત કહ્યા હતા. 

ફેસબુકના સંસ્થાપક માર્ક ઝુકરબર્ગે કહ્યું છે કે

ડોનાલ્ડ ટ્રમ્પના રાષ્ટ્રપતિ પદ પર છેલ્લા દિવસો ચાલી રહ્યા છે ત્યારે તેઓ પદ પર છે ત્યાં સુધી તેઓ તેમના ફેસબુક એકાઉન્ટનો ઉપયોગ કરી શકશે નહીં. આ બૈન ત્યાં સુધી રહેશે જ્યાં સુધી જો બાયડનના કાર્યક્રમનું ઉદ્ધાટન નહીં થાય. ફેસબુકના સંસ્થાપક માર્ક ઝુકરબર્ગે એક પોસ્ટમાં કહ્યું છે કે ટ્રમ્પના ભડકાવવાના કારણે બુધવારે ભીડે કેપિટલ ભવનમાં ઘાતક હુમલો કર્યો હોવાનું માનવામાં આવી રહ્યું છે. આ કારણે તેમને હવે ફેસબુકનો ઉપયોગની પરમિશન આપવું મોટું જોખમ છે. 

 ટ્રમ્પના સમર્થકોએ હુમલો કર્યા બાદ ટ્રમ્પને એક ખતરો ગણાવાયો 

મળતી માહિતી અનુસાર કેપિટલ પર રાષ્ટ્રપતિ ટ્રમ્પના સમર્થકોએ હુમલો કર્યા બાદ ટ્રમ્પને એક ખતરો ગણાવવામાં આવી રહ્યો છે. કહેવાયું છે કે તેઓ કાર્યકાળમાં રહેવા યોગ્ય નથી આ માટે તેમને પદ પરથી હટાવવામાં આવે. અમેરિકી મીડિયા તરફથી મળતી જાણકારી અનુસાર મહાભિયોગ પ્રક્રિયા કે અપરાધિક મુદ્દાના આધારે જવાબદાર ઠેરવવાની માંગ કરી છે. ટ્રમ્પના સમર્થકોએ બુધવારે કેપિટલમાં ઘૂસીને પોલીસની સાથે પણ હિંસક ઝડપ હાથ ધરી હતી. જેમાં 4 લોકોના મોત થયા છે. નવા રાષ્ટ્રપતિના રૂપમાં જો બાયડનના નામ પર મોહર લગાવવાની સંવૈધાનિક પ્રક્રિયા બાધિત થઈ હતી. 

બરાક ઓબામાએ પણ ટ્રમ્પને લઈને કહ્યું કે આ દેશને માટે અપમાનજનક છે...

આ સમયે અમેરિકાના પૂર્વ રાષ્ટ્રપતિ બરાક ઓબામાએ કેપિટલમાં હિંસા ભડકાવવાને લઈને ટ્રમ્પ પર પ્રહાર કરતાં કહ્યું કે આ દેશને માટે અપમાન અને શરમજનક પળ છે. યૂએસ કેપિટલમાં બુધવારે ટ્રમ્પના હજારો સમર્થકોએ લડાઈ કરીને સંયુક્ત સત્રને બાધિત કર્યું છે. પૂર્વ રાષ્ટ્રપતિએ આ ઘટનાની નંદા કરી છે. ઘટના સમયે સંયુક્ત સત્ર ચાલી રહ્યું હતું જેમાં નવનિર્વાચિત રાષ્ટ્રપતિ જો બાયડનની જીતની જાહેરાત થવાની હતી. ઓબામાએ કહ્યું કે ઈતિહાસ કેપિટલમાં થયેલી આજની હિંસાની ઘટનાને યાદ રાખશે. જેને ચૂંટણીના પરિણામોને વિશે સતત નિરાધાર ખોટું બોલીને એક રાષ્ટ્રપતિએ ભડકાવ્યું છે. પૂર્વ રાષ્ટ્રપતિ ઓબામાએ એમ પણ કહ્યું કે જો આપણે એવું કહીશું કે આ એકદમ અચાનક થયેલી ઘટના છે તો આપણે પોતાને મજાક બનાવી રહ્યા છીએ.

Twitter Donald Trump Suspend Account Violence US હિંસા ટ્વિટર નિર્ણય સસ્પેન્ડ એકાઉન્ટ ફેસબુક ઈન્સ્ટાગ્રામ ટ્રમ્પ
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ