એલોન મસ્કનાં ટ્વિટરે સેલ્સ ટીમથી ઘણાં કર્મચારીઓને નોકરીમુક્ત કર્યાં છે. ભારતમાંની 3 ઓફિસોમાંથી 2ને બંધ કરી દીધી છે.
એલોન મસ્કે ફરી કરી ટ્વિટરમાંથી કર્મચારીઓની છટણી
સેલ્સ ટીમમાંથી ઘણાં કર્મચારીઓને કર્યાં નોકરીમુક્ત
ભારતમાં પણ 3માંથી 2 ઓફિસો કરી બંધ
માઈક્રોબ્લોગિંગ પ્લેટફોર્મ twitterએ છટણીનાં ફ્રેશ રાઉન્ડમાં ઘણાં કર્મચારીઓને કાઢી નાખ્યાં છે. રિપોર્ટ અનુસાર કંપનીએ ભારતમાં પોતાની 3માંથી 2 ઓફિસો બંધ કરી દીધી છે અને કર્મચારીઓને વર્ક ફ્રોમ હોમનો આદેશ આપ્યો છે. આ વખતે એલોન મસ્કે ટ્વિટરની સેલ્સ ટીમમાંથી કર્મચારીઓને કાઢી નાખ્યાં છે પરંતુ હાલમાં છટણી કરાયેલ લોકોની સ્પષ્ટ સંખ્યા સામે આવી નથી. ટ્વિટરે ગયા મહિને 800 સેલ્સ અને માર્કેટિંગનાં કર્મચારીઓને કાઢ્યાં હતાં.
90% લોકોને નોકરીમુક્ત કર્યાં
ટ્વિટરે ગયાં વર્ષનાં અંતમાં ભારતમાં આશરે 200થી વધારે કર્મચારીઓમાંથી 90% લોકોને નોકરીમુક્ત કર્યાં હતાં. નવી દિલ્હી અને મુંબઈનાં ફાઈનાન્શિયલ હબમાં પોતાની ઓફિસ બંધ કરી દીધી છે. હવે કંપની બેંગલૂરુનાં દક્ષિણી ટેક હબમાં આવેલી એક ઓફિસમાંથી જ તમામ કામ કરી રહી છે જેમાં સૌથી વધારે એન્જિનિયર્સ પણ શામેલ છે.
Twitter has fired more members of the social media platform's sales team after Twitter's advertising revenue dropped in January, Free Press Journal reported. #technology#news#technewspic.twitter.com/WCvPZ8Ub8A
દુનિયાભરમાંથી ઓફિસોને કરી બંધ
એલોન મસ્કે 2023નાં અંત સુધીમાં ટ્વિટરને ફાઈનેન્શિયલ રૂપે સ્થિર કરવા માટે દુનિયાભરમાંથી ઓફિસો બંધ કરી છે અને કર્મચારીઓની છટણી કરી છે. મસ્કનાં પગલાંઓ દ્વારા જાણવા મળે છે કે હાલમાં તેઓ માર્કેટને ઓછું મહત્વ આપી રહ્યાં છે.