માઇક્રો-બ્લોગિંગ સાઇટ ટ્વિટર પણ વિશ્વની સૌથી મોટી સોશિયલ મીડિયા સાઇટ ફેસબુકને અનુસરવાની તૈયારી કરી રહી છે. ગૂગલ અને ફેસબુકની જેમ ટ્વિટર પણ તેની પેમેન્ટ સિસ્ટમ લાવવાની તૈયારી કરી રહ્યું છે, જોકે ટ્વિટરે હજુ સત્તાવાર રીતે હજુ કોઇ જાહેરાત કરી નથી.
એક અહેવાલ મુજબ, ટ્વિટર તેની પેમેન્ટ સિસ્ટમ તૈયાર કરી રહ્યું છે અને આ પ્રોજેક્ટ જોરશોરથી ચાલી રહ્યો છે. આ સિસ્ટમથી ટવિટર યુઝર એકબીજાને પૈસા ટ્રાન્સફર કરી શકશે. ટ્વિટરની પેમેન્ટ સિસ્ટમને ટિપિંગ (tipping) નામ આપવામાં આવી રહ્યું છે.
ટ્વિટરની પેમેન્ટ સિસ્ટમ કંપનીના સીઈઓ જેક ડોર્સીની અન્ય કંપની સ્ક્વોયર સાથે કામ કરશે. સ્કવોયર જેક ડોર્સીની ફાયનાન્સિયલ સર્વિસ આપતી કંપની છે. સ્ક્વોયર સાન ફ્રાન્સિસ્કોમાં મોબાઇલ પેમેન્ટ સર્વિસ પણ આપે છે. એવું કહેવામાં આવી રહ્યું છે કે ટ્વિટરની ચુકવણી સુવિધા ફક્ત બિટકોઇન માટે જ હશે. એટલે કે, વપરાશકર્તાઓ ફક્ત બિટકોઇનમાં જ ચૂકવણી કરી શકશે. ટ્વિટરના સીઈઓ માને છે કે, બીટકોઇન ભવિષ્યમાં ઇન્ટરનેટનું ચલણ હશે. જેકની કંપની પણ ક્રિપ્ટોકરન્સી પેમેન્ટ પર પણ કામ કરી રહી છે.
દરમિયાનમાં દેશની ઓનલાઇન કંપનીઓ તેમના પ્લેટફોર્મમાંથી રૂ .2,000 સુધીના પેમેન્ટની ચુકવણી માટે ઓટીપી ઓથેન્ટિકેશનને ખતમ કરવાની છે. ઇ-કોમર્સ સાઇટ ફ્લિપકાર્ટે રૂ .2,000 સુધીના ઓટીપી ઓથેન્ટિકેશનને સંપૂર્ણપણે હટાવી દીધું છે, જ્યારે સ્વિગી ,ઓલા અને ઉબેર,પેટીએમ જેવી કંપનીઓ તેને અપનાવવાની તૈયારી કરી રહી છે. ટૂંક સમયમાં બધી કંપનીઓ ઓટીપી વિના 2 હજાર રૂપિયા સુધીની પેમેન્ટ સિસ્ટમ લાવે તેવી શકયતા છે. ઓનલાઇન ચુકવણીને વધુ સરળ બનાવવા માટે રિઝર્વ બેંક ઓફ ઇન્ડિયાએ 2000 સુધીના ટ્રાન્ઝેકશનમાં દેશની બેંકોને ઓટીપી ઓથેન્ટિકેશનને દૂર કરવાની મંજૂરી આપી