ટ્વિટર ટૂંક સમયમાં ટ્વિટર પોસ્ટમાં એડિટ કરી શકાય તેવું ફીચર લાવવા જઇ રહ્યું છે. જેમાં તમે તમારી ભૂલોને પણ બિલકુલ સરળતાથી સુધારી શકશો.
ટ્વિટર યુઝર્સ માટે સારા સમાચાર
ટ્વિટર લાવી રહ્યું છે 'Edit Button' ફીચર
ટ્વિટર એડિટ બટન પર આ રીતે કામ કરશે
ટ્વિટર યુઝર્સ માટે મહત્વના સમાચાર સામે આવ્યાં છે. કારણ કે ટ્વિટર હવે યુઝર્સ 280 અક્ષરોના ટ્વિટમાં કોઇ પણ જાતના ફેરફાર કરી શકે તે વિકલ્પ પર કામ કરી રહ્યું છે. કંપનીએ આ અંગેની તાજેતરમાં જ એક ટ્વિટ દ્વારા જાણકારી આપી હતી.
ટ્વિટ બાદ 1 એપ્રિલ હોવાથી યુઝર્સે કહ્યું હતું કે, ટ્વિટર અમને 'એપ્રિલ ફૂલ' બનાવી રહ્યું છે
તમને જણાવી દઇએ કે, છેલ્લાં ઘણાં સમયથી ટ્વિટર યુઝર્સ દ્વારા એડિટ બટનની માંગ કરવામાં આવી રહી છે. ત્યારે 1 એપ્રિલે ટ્વિટરે ટ્વિટ કરીને કહ્યું હતું કે, કંપની એડિટ બટન પર કામ કરી રહી છે. જો કે, આ ટ્વિટ બાદ 1 એપ્રિલ હોવાથી યુઝર્સે કહ્યું હતું કે, ટ્વિટર અમને 'એપ્રિલ ફૂલ' બનાવી રહ્યું છે.
જો કે, ટ્વિટરે એ પણ સ્પષ્ટ કર્યું છે કે, કંપનીના સૌથી મોટા શેરહોલ્ડર ટેસ્લાના ચીફ એક્ઝિક્યુટિવ ઓફિસર (CEO) એલન મસ્કના કંપનીના બોર્ડમાં સામેલ થવા મામલે તેને કોઈ લેવાદેવા નથી. મસ્ક ટ્વિટર પર 'એડિટ' બટનની હિમાયત કરી રહ્યાં છે.
ટ્વિટર 'એડિટ બટન' પર કામ કરી રહ્યું છે, જે ટૂંક સમયમાં શરૂ કરી દેવામાં આવશે
તાજેતરમાં, જ ટેસ્લાના સીઇઓ એલન મસ્ક કે જેઓ ટ્વિટરના શેરહોલ્ડર બન્યા છે તેમણે પણ આ ફીચરની માંગને લઈને એક પોલ કર્યો હતો. જ્યાર બાદ હવે આ EDIT ફીચર ખૂબ જ ઝડપથી લાવવાની માંગ કરવામાં આવી રહી છે. ત્યાર પછી ટ્વિટરે પણ માહિતી આપી હતી કે, તે 'એડિટ બટન' પર કામ કરી રહ્યું છે, જે ટૂંક સમયમાં શરૂ કરી દેવામાં આવશે.
ટ્વિટરે મહત્વની જાહેરાત કરી હતી કે, તે હાલમાં 'એડિટ બટન' પર કામ કરી રહ્યું છે. ત્યા બાદ યુઝર્સ પોતાની ટ્વિટ પોસ્ટ કર્યા પછી પણ એડિટ કરી શકશે. હાલમાં, યુઝર્સ પાસે આ તક નથી પરંતુ હવેથી તેઓ પોતાની ભૂલોને સુધારી શકશે.
એ સિવાય ટ્વિટર પર એક GIF પણ શેર કરવામાં આવ્યું હતું કે જેમાં જોઈ શકાય છે કે આ પ્લેટફોર્મ પર 'એડિટ બટન' કેવી રીતે કામ કરશે. જ્યાં ટ્વિટની ઉપર દેખાતા ત્રણ ડોટ્સ પર ક્લિક કરવાથી તમને ટ્વિટ એડિટ કરવાનો વિકલ્પ આપવામાં આવશે. કંપની છેલ્લાં 1 વર્ષથી આ ફીચરને 'બિલકુલ સુરક્ષિત' રીતે બનાવવા પર કામ કરી રહી છે. જેથી કરીને આ એડિટ ફીચરનો દુરુપયોગ ન થઈ શકે.