ટ્વિટરે 7 મહિનામાં બીજી વાર સોમવારે વેબસાઈટ પર ભારતનો નક્શો ખોટો બતાવ્યો છે. સરકારે ટ્વિટરની વેબસાઈટ પર ખોટો નક્શો દેખાડવાની વાતને ગંભીર ભૂલ ગણાવી છે.
ભારતનો ખોટો નકશો દેખાડવું ટ્વીટરને મોંઘું પડ્યું
7 મહિનામાં બીજી વાર ભારતનો નક્શો ખોટો બતાવ્યો
થઈ આ મોટી કાર્યવાહી
સોશ્યલ મીડિયા કંપની ટ્વિટરે (Twitter) 7 મહિનામાં બીજી વાર સોમવારે પોતાની વેબસાઈટ પર ભારતનો નક્શો ખોટો (Twitter India Map Controversy) બતાવ્યો હતો. આ પછી સોશ્યલ મીડિયા પર ટ્વિટર બૈન કરીને માંગ ઉઠી હતી. અનેક વિરોધ બાદ કંપનીએ નક્શો હટાવી લીધો હતો. આ સમયે યૂપીના બુલંદશહેરમાં ટ્વિટરના એમડી મનીષ માહેશ્વરીના વિરોધમાં ફરિયાદ નોંધાઈ છે.
Twitter India Managing Director Manish Maheshwari has been booked under Section 505 (2) of IPC and Section 74 of IT (Amendment) Act 2008 for showing wrong map of India on its website, on complaint of a Bajrang Dal leader in Bulandshahr
બજરંગ દળના નેતાએ કરી હતી ફરિયાદ
મળતી માહિતી અનુસાર બજરંગ દળના નેતાની ફરિયાદના આધારે ટ્વિટરના પ્રબંધ નિર્દેશક મનીષ માહેશ્વરીની વિરોધમાં વેબસાઈટ પર ભારતનો ખોટો નક્શો દેખાડવા માટે આઈપીસીની કલમ 505(2) અને આઈટી સંશોધન નિયમ 2008ની કલમ 74ના આધારે કેસ કરાયો છે.
આઈટી નિયમોના સંબંધી નવા નિયમોના અનુપાલનને લઈને ભારત સરકારની સાથે ચાલી રહેલા ગતિરોધની વચ્ચે ટ્વિટરની વેબસાઈટ ભારતનો થોટો નક્શો દેખાડી રહી હતી. તેમાં જમ્મૂ કાશ્મીર અને લદ્દાખને એક અલગ દેશ દેખાડાયો હતો. ટ્વિટર પર કરિયર સેક્શનમાં ટ્વિપ લાઈફ શીર્ષકના આધારે આ ગરબડ જોવા મળી હતી. જેને લઈને દેશવાસીઓએ વિરોધ દેખાડ્યો હતો. આ સાથે માઈક્રોબ્લોગિંગ મંચના વિરોધમાં પણ કડક કાર્યવાહીની માંગ કરાઈ છે. આ પહેલા પણ ટ્વિટરે આ ભૂલ કરી હતી અને લેહને ચીનનો ભાગ દેખાડ્યો હતો.
ટ્વિટર બૈન રહ્યું ટ્રેન્ડિંગમાં
ટ્વિટર બૈનનો હેશટેહ લગભગ 17000 ટ્વિટની સાથે ટ્વિટર પર ટ્રેન્ડ કરી રહ્યું છે. વધતા વિરોધની વચ્ચે સોમવારે સાંજે ટ્વિટરે ખોટો નક્શો હટાવી લીધો હતો. સૂત્રોનું કહેવું છે કે સરકાર આ મામલાને ગંભીરતાથી લઈ રહી છે. તેઓએ કહ્યું કે ટ્વિટરની વેબસાઈટ પર ખોટો નક્શો દેખાડાયો છે આ કેસમાં તેઓ મધ્યસ્થ નથી અને આ સામગ્રી માટે જવાબદાર ટ્વિટર છે.
ટ્વિટરે જાણીજોઈને આ કામ કર્યું હોવાનું લાગતું હતું. મીડિયા રિપોર્ટ અનુસાર, આ કેસ ધ્યાનમાં આવતા કેન્દ્ર સરકારે ટ્વિટરે નોટીસ પાઠવવાની તૈયારી કરી હતી. પરંતુ વિવાદ વધતા ટ્વિટરે સોમવારે તેની આ ભૂલ સુધારી લઈને વિવાદીત નકશો હટાવી લીધો હતો.
માઇક્રોબ્લોગિંગ સાઇટ ટ્વિટરે ફરી એકવાર ભારતને ખોટી રાહ ચીંધી
માઇક્રોબ્લોગિંગ સાઇટ ટ્વિટરે ફરી એકવાર ભારતને ખોટી રાહ ચીંધી છે. પોતાની વેબસાઇટ પર ટ્વિટરે જમ્મુ અને કાશ્મીર તથા લદ્દાખને અલગ અલગ દેશ બતાવ્યો છે. એટલે કે તેમણે ભારતનો ખોટો નકશો બતાવ્યો છે. સરકારી માહિતી મુજબ આ માહિતીને લઈને ટ્વિટર પર એકદમ કડક કાર્યવાહી કરવામાં આવશે. આ પેહલા પણ સરકારે કેન્દ્ર શાસિત પ્રદેશ લેહની જગ્યાએ જમ્મુ કાશ્મીરના ભાગમાં બતાવતા ટ્વિટરને નોટિસ આપી હતી.
સરકાર દ્વારા કોઈપણ પ્રકારની નોટિસ આપવામાં આવી નથી
હજી સુધી ભારત સરકાર દ્વારા કોઈપણ પ્રકારની નોટિસ આપવામાં આવી નથી. પણ જાણકાર લોકોએ આપી માહિતી મુજબ જો નોટિસ આપ્યા બાદ પણ જો ટ્વિટર આ ઘટના પર કોઈ પગલાં નહીં લે તો સરકાર આઈટીના નિયમ મુજબ ટ્વિટર પર પ્રતિબંધ લગાવી શકે છે અને કડક કાર્યવાહી પણ કરી શકે છે. આ સાથે જ નિયમ મુજબ સરકાર એક અપરાધ પણ નોંધી શકે છે, જેમાં 6 મહિનાનીઓ કારાવાસ પણ સામેલ છે.
કેન્દ્રીય આઈટી મંત્રાલયે ટ્વિટરને પહેલા પણ ચેતવણી આપી હતી
કેન્દ્રીય આઈટી મંત્રાલયે ટ્વિટરને ચેતવણી આપતા જણાવ્યું કે નવા નિયમોનું પાલન ન કરવાની ટ્વિટરની જીદથી સાબિત થાય છે કે કંપનીમાં પ્રતિબદ્ધતાનો અભાવ છે અને તે ભારતના લોકોને તેના પ્લેટફોર્મ પરથી સુરક્ષિત અનુભવ પુરો પાડવાનો પ્રયાસ કરવા માંગતી નથી. મંત્રાલયે ટ્વિટરને પાઠવેલી નોટીસમાં જણાવ્યું કે એ જાણીને અત્યંત ખેદ થયો કે આઈટી મિનિસ્ટ્રીના પત્રમાં તમારા જવાબમાં સરકારના સવાલ પર કોઈ જવાબ અપાયો નથી કે નિયમોનું પાલન કરવાનો તમારો ઈરાદો પણ લાગતો નથી.