ટ્વિટરનાં CEO જેક પેટ્રિકે સોમવારે ટ્વિટ કરીને આ જાણકારી આપી
ત્રણ બિન સરકારી સંસ્થાઓને આપવામાં આવ્યા છે પૈસા
આ મદદથી વેન્ટિલેટર્સ, બેડસ અને અન્ય જીવન રક્ષક સાધનો ખરીદવામાં આવશે
સંદીપ ખડકેકરે જેક પેટ્રિકનો આભાર માન્યો
ત્રણ બિન સરકારી સંસ્થાઓને આપવામાં આવ્યા છે પૈસા
આ પૈસા ત્રણ બિન સરકારી સંસ્થાઓને આપવામાં આવ્યા છે. જેમાં કેર, એડ ઈન્ડિયા અને સેવા ઇન્ટરનેશનલ USA સંસ્થા સામેલ છે. ભારતમાં કોરોનાનો વ્યાપ સતત વધી રહ્યો છે. દુનિયાના ઘણા દેશો ભારતની મદદે આવી રહ્યા છે તેવામાં સોશ્યલ મીડિયા પ્લેટફોર્મ ટ્વિટરે ભારતને આર્થિક સહાય રૂપે 1.5 કરોડ ડોલર આપ્યા છે. ટ્વિટરનાં CEO એ ટ્વિટ કરતાં લખ્યું કે આ પૈસા કેર, એડ ઈન્ડિયા અને સેવા ઇન્ટરનેશનલ USAને આપવામાં આવ્યા છે. જેમાં કેરને 1 કરોડ ડોલર અને એડ ઈન્ડિયા તથા સેવા ઇન્ટરનેશનલ USAને 25-25 લાખ ડોલર આપવામાં આવ્યા છે.
આ મદદથી વેન્ટિલેટર્સ, બેડસ અને અન્ય જીવન રક્ષક સાધનો ખરીદવામાં આવશે
સન ફ્રાન્સિસ્કો સ્થિત કંપનીએ જણાવ્યું કે સેવા ઇન્ટરનેશનલ USA એક હિન્દુ, આસ્થા આધારિત સંસ્થા છે. આ પૈસા ભારતમાં કોરોના સંકમિત દર્દીઓ પાછળ વાપરવામાં આવશે. તેનો ઉપયોગ વેન્ટિલેટર્સ, બેડસ અને અન્ય જીવન રક્ષક સાધનો ખરીદવા માટે વપરાશે. આ બધા જ સાધનો સરકારી હોસ્પિટલો અને બીજા કોવિડ કેન્દ્રોમાં આપવામાં આવશે.
સંદીપ ખડકેકરે જેક પેટ્રિકનો આભાર માન્યો
સેવા ઇન્ટરનેશનલનાં ઉપાધ્યક્ષ સંદીપ ખડકેકરે ટ્વિટરનાં CEOનો આભાર માનતા લખ્યું કે "આ સેવાનું કામ છે અને મને ખુશી છે કે તમે અમારી મદદ કરી. અમે તમારી આશાઓ પર એકદમ ખરા ઉતરીશું અને કોરોના સંક્રમિત દર્દીઓને સારવાર આપવાના બધા જ પૂરતા પ્રયત્નો કરીશું." તેમણે આગળ લખ્યું કે "આ સમય એવો છે કે આપણે બધાએ ભેગા મળીને લડવું પડશે, જો આપણે આવું કરીશું તો કોરોના પર જલ્દી કાબુ મેળવી લઈશું.