કાર્યવાહી / ટ્વિટરે અહીં એક ઝાટકે સસ્પેન્ડ કરી નાખ્યા 70 હજાર લોકોના એકાઉન્ટ, જાણો શું છે કારણ 

• QAnon conspiracy theory સંગઠન સાથે જોડાયેલા એકાઉન્ટ સસ્પેન્ડ 
• ટ્વિટર દ્વારા આ સંગઠન સાથે જોડાયેલા 70 હજાર એકાઉન્ટ સસ્પેન્ડ કરાયા 
• ટ્રમ્પ સમર્થકો દ્વારા અમેરિકન સંસદ પર હુમલો કરાયાની ઘટના પછી લેવાયો નિર્ણય 

જો કે ટ્વીટર દ્વારા એક નિવેદન જાહેર કરવામાં આવ્યું હતું કે QAnon conspiracy theory સંગઠનની સાથે જોડાયેલા 70 હજાર જેટલા લોકોના એકાઉન્ટને તેણે સસ્પેન્ડ કરી દીધા છે અને આ પગલું અમેરિકન સંસદ કેપીટોલ હિલ પર ટ્રમ્પ સમર્થકો દ્વારા કરાયેલા હિંસક હુમલાની ઘટના બાદ ભર્યું છે. 

ટ્વીટરે જણાવ્યું હતું કે વોશિંગટનમાં હિંસક ઘટનાઓ પછી અમે ઘણા એકાઉન્ટને સસ્પેન્ડ કરવાનું શરૂ કરી દીધું હતું જેની પર QAnon conspiracy theory નું કન્ટેન્ટ શેર કરવામાં આવી રહ્યું હતું, અત્યાર સુધીમાં આવા 70 હજાર જેટલા એકાઉન્ટ સસ્પેન્ડ કરી દેવાયા છે અને એવા કિસ્સા પણ નોંધવામાં આવ્યા છે એક જ વ્યક્તિ ઘણા એકાઉન્ટ ચાલી રહ્યું હતું. 

કોણ છે QAnon conspiracy theory?

QAnon conspiracy theory એક જમણેરી દક્ષિણપંથી સંગઠન છે,  રૂઢિચુસ્ત ખ્રિસ્તી, અલ્ટ્રા રાઈટ અને કન્ઝર્વેટિવ લોકો આ સંગઠનના સભ્યો છે, આ સંગઠન માને છે કે આ દુનિયાને બાળકોનું શોષણ કરવા વાળું એક ગુપ્ત સંગઠન ચલાવી રહ્યું છે અને આ સંગઠન શૈતાનની ઈબાદત કરે છે અને જગતમાં પોતાનુંપ્રભુત્વ જમાવવા માંગે છે. 

આ સંગઠનનું માનવું છે કે પ્રમુખ ટ્રમ્પ આવા સંગઠનને ઉઘાડું પાડીને એના સભ્યોને સજા કરવા માંગે છે, QAnon conspiracy theory ના લોકો આ માટે ટ્રમ્પનું  સમર્થન કરી રહયા હતા, તેઓ માનતા હતા કેટ ટ્રમ્પ એક દિવસ આ સંગઠનના લોકોને સજા કરવા માટેની રણનીતિ ઘડી રહયા હતા. 

ટ્રમ્પના પ્રચાર અભિયાનમાં દેખાઈ ચૂક્યું છે આ સંગઠન 

QAnon conspiracy theory સંગઠન પહેલા સોશિયલ મીડિયા અને ડિજિટલ પ્લેટફોર્મ પર ગુપચૂપ રીતે કામ કરી રહ્યું હતું જો કે પ્રમુખ પદની ચૂંટણીમાં આ સંગઠન ટ્રમ્પના પ્રચાર અભિયાનોમાં બેનર અને પોસ્ટર સાથે પણ દેખાઈ રહ્યું હતું. મહત્વનું છે કે ટ્વીટર દ્વારા પ્રમુખ ટ્રમ્પનું એકાઉન્ટ પણ બંધ કરી દેવાયું છે.