હેકરોએ દુનિયાના દિગ્ગજ નેતાઓ, સેલેબ્રિટી, મોટા બિઝનેસમેનો અને કંપનીઓના ટ્વિટર એકાઉન્ટ હેક કરી દીધા છે. બુધવારે હેકરોએ જેના ટ્વિટર એકાઉન્ટ હેક કરી દીધા છે, તેમાં માઇક્રોસોફ્ટના સહ સંસ્થાપક બિલ ગેટ્સ, ટેસ્લાના સીઇઓ ઇલોન મસ્ક, અમેરિકાના રેપર કાન્યે વેસ્ટ, અમેરિકાના પૂર્વ ઉપરાષ્ટ્રપતિ જો બિડેન, અમેરિકાના પૂર્વ રાષ્ટ્રપતિ બરાક ઓબામા, ઇઝરાયલના પ્રધાનમંત્રી બેંજામિન નેતન્યાહૂ, વૉરેન બફેટ, એપ્પલ, ઉબર સહિત અન્યના ટ્વિટર એકાઉન્ટ હેક કરી દીધા છે.
વિશ્વના દિગ્ગજ નેતાઓ અને સેલિબ્રીટીઓના ટ્વીટર અકાઉન્ટ હેક
અકાઉન્ટ પર હેકરો બિટકોઈન્સની કરી રહ્યા છે માગ
સમગ્ર મામલે તપાસ કરી રહ્યા હોવાનો ટ્વીટરનો જવાબ
હેકર આ દિગ્ગજ્જોના એકાઉન્ટમાંથી ટ્વિટ કરી રહ્યાં છે અને બિટકોઇન માંગી કરહ્યા છે. હેકરોએ માઇક્રોસોફટના સહ સંસ્થાપક બિલ ગેટ્સના ટ્વિટર એકાઉન્ટમાંથી ટ્વિટ કર્યું, દરેક લોકો મને પરત આપવા કહી રહ્યાં છે અને હવે સમય આવી ગયો છે. આવનાર 30 મિનીટ સુધી બીટીસી એડ્રેસ પર મોકલવામાં આવેલા બધા પેમેંટને બેગણા કરી રહ્યો છું, તમે એક હજાર ડોલર મોકલો હું તમને બે હજાર ડોલર પરત મોકલીશ.
પોસ્ટ કરવામાં આવ્યા બાદ થોડી જ મિનીટમાં આ ટ્વિટ ડિલીટ પણ થઇ ગયા છે. જો કે હજુ સુધી એ ખબર નથી પડી કે આ કોણે આ દિગ્ગજ વ્યક્તિઓના ટ્વિટ એકાઉન્ટને નિશાન બનાવ્યું છે.
જો કે આ ઘટના બાદ ટ્વિટરે કહ્યું કે અમને ટ્વિટ એકાઉન્ટ હાઇજેક કરવાની જાણકારી મળી છે. હાલમાં આ મામલે તપાસ કરવામાં આવી રહી છે. આ સાથે તેને રોકવા માટે પણ પગલા લેવામાં આવી રહ્યાં છે. અમે ઝડપથી બધાને અપડેટ કરી દઇશું.
હેકિંગની ઘટના બાદ તરત ટ્વિટરએ ટ્વિટ અને રિટ્વિટ ફંકશનને ડિસેબલ કરી દીધા. ટ્વિટરે કહ્યું કે અમે આ મામલા અંગે સમીક્ષા કરી રહ્યાં છે, જેને કારણે યૂઝર પોતાનું ટ્વિટર એકાઉન્ટ પરથી ટ્વિટ નહી કરી શકતા હોય તેમજ ન પાસવર્ડ રિસેટ કરી શકતા હોય.