BIG NEWS / ટ્વિટરનાં નવા માલિક બન્યા એલન મસ્ક, 44 બિલિયન ડોલરમાં ખરીદી લીધી કંપની

• એલન મસ્ક બન્યા ટ્વિટરના નવા માલિક 
• 44 બિલિયન ડોલર્સમાં ખરીદ્યુ સોશ્યલ મીડિયા પ્લેટફોર્મ 
• ટ્વિટરના બોર્ડે મસ્કનીઆ રજૂઆતને મંજૂરી આપી દીધી

અમેરિકન અબજપતિ અને ટેસ્લા કંપનીના માલિક એલન મસ્કે સોશ્યલ મીડિયા પ્લેટફોર્મ Twitter ને 44 બિલિયન ડોલરમાં ખરીદી લીધું છે. 

ટ્વિટરે એલોન મસ્કને 44 બિલિયન ડોલરમાં કંપનીના વેચાણની પુષ્ટિ કરી છે. 

Twitter confirms sale of company to Elon Musk for $44 billion, reports AFP news agency

— ANI (@ANI) April 25, 2022

સવા ત્રણ લાખ કરોડ રૂપિયાનો કરાર

એક મીડિયા રિપોર્ટ મુજબ ટ્વિટરના બોર્ડે મસ્કની આ રજૂઆતને મંજૂરી આપી દીધી છે. સૂત્રો તરફથી મળેલી માહિતી મુજબ ટ્વિટર કોઈ પણ સમયે 44 બિલિયન ડૉલર એટલેકે ભારતીય રૂપિયામાં લગભગ સવા ત્રણ લાખ કરોડથી વધારે રૂપિયાના આ કરારને લીલીઝંડી બતાવી છે. અગાઉ એવુ પણ લાગતું હતું કે આ શક્ય છે કે કરાર અંતિમ મિનિટમાં તુટી જાય. ઉલ્લેખનીય છે કે એલન મસ્ક પહેલા પણ કહી ચૂક્યા છે કે તેમણે ટ્વિટરને ખરીદવા માટે 46.5 અબજ ડૉલર ફન્ડિંગની વ્યવસ્થા કરી લીધી છે. પણ આખરે આ ડીલ પાર પાડવામાં આવી છે. 

મસ્ક પહેલા જ ખરીદી ચૂક્યા છે 9.2 ટકાની ભાગીદારી

એલન મસ્ક પહેલા જ ટ્વિટરમાં 9.2 ટકાની ભાગીદારી ખરીદી ચૂક્યા હતા. ટ્વિટરના સૌથી વધુ 10.3 ટકા શેર એસેટ મેનેજમેન્ટ કંપની વેનગાર્ડ ગ્રુપની પાસે છે. સાઉદી અરબના પ્રિન્સ અલ-વલીદ બિન તલાલની પાસે અંદાજે 5.2 ટકા શેર છે. તેમણે પહેલા એલન મસ્કની રજૂઆત ફગાવી દીધી હતી.