BIG NEWS / Twitter પર 40 કરોડ યુઝર્સનો ડેટા લીક! સલમાન ખાનથી લઇને સુંદર પિચાઇ સુધીની માહિતી હેક કર્યાનો દાવો

• ટ્વિટર પર ડેટા બ્રીચનો મોટો મામલો 
• 40 કરોડ યુઝર્સનો ડેટા વેચવા બહાર પાડ્યો
• સ્પેસએક્સથી લઈને સલમાનના ડેટા થયા બ્રીચ

ટ્વિટર પર ડેટા બ્રીચનો મોટો મામલો સામે આવ્યો છે. આમાં હેકર્સ 400 મિલિયન એટલે કે 40 કરોડ યુઝર્સનો ડેટા વેચી રહ્યા છે. આ ડેટા ડાર્ક વેબ પર વેચાઈ રહ્યો છે. એલોન મસ્ક માટે આ મોટી સમસ્યા બની શકે છે. આ પહેલા પણ લગભગ 54 લાખ લોકોનો ડેટા લીક થયો હતો. જેના વિશે નવેમ્બરમાં માહિતી બહાર આવી હતી. હવે તેની તપાસ કરવામાં આવી રહી છે. 

40 કરોડ લોકોને ડેટા લીક
પરંતુ, 400 મિલિયન વપરાશકર્તાઓનો ડેટા લીક એ ટ્વિટરનો અત્યાર સુધીનો સૌથી મોટો ડેટા બ્રીચ છે. આ સમાચાર એવા સમયે આવ્યા છે જ્યારે આઇરિશ ડેટા પ્રોટેક્શન કમિશન (ડીપીસી) એ અગાઉના ડેટા લીકની તપાસ શરૂ કરી છે. હેકર્સે નવા ડેટા લીકના પુરાવા પણ રજૂ કર્યા છે. 

હેકર્સે સેમ્પલ મોકલ્યા
હેકર્સે હેકર ફોરમ પર ડેટા સેમ્પલ પણ પોસ્ટ કર્યા છે. આ નમૂનામાં યુઝર્સનું નામ, ઇમેઇલ, યુઝર્સઆઈડી, ફોલોવાર્સની સંખ્યા, ક્રિયેશન તારીખ અને કેટલાક કિસ્સાઓમાં ફોન નંબરનો સમાવેશ પણ થાય છે. નવાઈની વાત એ છે કે આ ડેટા લીકમાં ઘણા હાઈપ્રોફાઈલ લોકોના નામ પણ સામેલ છે. 

આ વપરાશકર્તાઓનો ડેટા નમૂના તરીકે રજૂ કરવામાં આવ્યો છે: -

• લેક્ઝાન્ડ્રિયા ઓકાસિયો-કોર્ટેઝ
• સ્પેસએક્સ
• સીબીએસ મીડિયા
• ડોનાલ્ડ ટ્રમ્પ જુનિયર
• દોઝા કેટ
• ચાર્લી પુથ
• સુંદર પિચાઈ
• સલમાન ખાન
• નાસાનું JWST એકાઉન્ટ
• NBA
• માહિતી અને પ્રસારણ મંત્રાલય, ભારત
• શોન મેન્ડેસ
• WHO નું સોશિયલ મીડિયા

પોસ્ટમાં, હેકરે લખ્યું છે કે ટ્વિટર અથવા એલોન મસ્ક, જો તમે આ વાંચી રહ્યાં છો, તો અત્યારે 5.4 મિલિયન ડેટા ભંગ માટે દંડ ભરવા માટે તૈયાર છો. પરંતુ, કલ્પના કરો કે 400 મિલિયન વપરાશકર્તાઓના ડેટા ભંગ માટે કેટલો મોટો દંડ/ખંડણી થશે. 

ડેટાને હેકર્સ પાસેથી ખરીદવા પડશે
હેકરે આગળ લખ્યું છે કે તમારી પાસે દંડ ભરવાથી બચવા માટે એક જ વિકલ્પ છે, ડેટા ખરીદો. હેકરે એમ પણ કહ્યું છે કે તે આ સોદો એક મધ્યમ માણસ દ્વારા પૂરો કરશે. તે પછી તે આ ડેટાને કાઢી નાખશે અને ફરી ક્યારેય વેચશે નહીં. હેકરની ઓળખ હજુ સુધી મળી શકી નથી. એલોન ગેલે LinkedIN પર જણાવ્યું છે કે આ ડેટા માન્ય હોઈ શકે છે. એપીઆઈમાં રહેલી છટકબારીનો લાભ લઈને હેકરે ડેટાની ચોરી કરી હોવાની ઉચ્ચ સંભાવના છે. આ ફેસબુકના 533 મિલિયન ડેટાબેઝ જેવું છે. જેના માટે મેટાને $275,000,000 નો દંડ ફટકારવામાં આવ્યો હતો.