આંદોલન / ખેડૂત આંદોલન: રિહાનાના વખાણ કરતા ટ્વીટર CEO જૈક ડોર્સીએ ટ્વીટને કરી 'લાઇક'

• ખેડૂત આંદોલનને લઈને સેલેબ્સના ટ્વીટ્સથી ખળભળાટ
• ટ્વીટરના CEO જૈક ડોર્સીએ રિહાનાનું ખેડૂત સમર્થીત ટ્વીટ્સ કર્યા લાઇક
• વોશિંગ્ટન પોસ્ટના પત્રકાર કર્યું છે રિહાનાનું સમર્થન 

ઉલ્લેખનીય છે કે, ખેડૂત આંદોલનના સમર્થનમાં છેલ્લા કેટલાક સમયથી આંતરરાષ્ટ્રીય સેલેબ્સ પણ ટ્વીટ્સ કરી રહ્યા છે અને આ ભારતના રાજકારણમાં આ વિષય ચર્ચાઈ રહ્યો છે ત્યારે ટ્વીટરના સીઇઓ જૈક ડોર્સીએ તાજેતરમાં કેટલાક ટ્વીટ્સ લાઇક કર્યા હતા જેમાં ખેડૂત આંદોલનના સમર્થનમાં બોલવા માટે રિહાનાના વખાણ કરવામાં આવ્યા હતા. 

વોશિંગ્ટન પોસ્ટના પત્રકાર કર્યું રિહાનાનું સમર્થન 

અમેરિકન અખબાર વોશિંગ્ટન પોસ્ટના પત્રકાર કૈરને તાજેતરમાં જ રિહાનાના સમર્થનમાં ટ્વીટ્સ કર્યા છે. કૈરન દ્વારા કરવામાં આવેલ ટ્વીટ્સમાં ભારતના ખેડૂત આંદોલનની વાત કરવામાં આવી છે. તેણે પોતાના એક ટ્ટીટમાં લખ્યું છે કે, રિહાનાએ કેટલાય આંદોલનને લઈને સૂડાન, નાઇઝિરીયા અને હવે ભારતના મામલે પોતાની વાત રજૂ કરી હતી. 

જૈક ડોર્સીએ લાઇક કર્યા ખેડૂત આંદોલન અંગેના ટ્વીટ 

આપને જણાવી દઇએ કે, વોશિંગ્ટન પોસ્ટના પત્રકાર દ્વારા આ પહેલા અપીલ કરવામાં આવી હતી કે, ભારતમાં ચાલી રહેલા ખેડૂત આંદોલન પર ખાસ ઇમોજી તૈયાર કરવામાં આવે, જેમ કે, અમેરિકાના બ્લેક લાઇફ મેટર્સના સમયમાં કરવામાં આવ્યું હતું. જૈક ડોર્સીએ આ ટ્વીટને પણ લાઇક કર્યું હતું. 

વિદેશ મંત્રાલયે આપ્યું નિવેદન 

ઉલ્લેખનીય છે કે, રિહાના સિવાલ અનેક જાણીતા સેલેબ્સના ખેડૂત સમર્થનમાં ટ્વીટ્સને લઈને ભારતમાં હંગામો મચ્યો છે. ભારત સરકારના વિદેશ મંત્રાલયે આ મામલે સ્પષ્ટતા કરી છે કે, ખેડૂત આંદોલન એ આંતરિક મામલો છે અને બહારના લોકોની ટિપ્પણી યોગ્ય નથી. સાથે જ એવું પણ કહ્યું છે કે, ભારત વિરૂદ્ધ એક પ્રોપોગેન્ડા ચાલી રહી છે અને કોઇપણ પ્રકારની ચોક્કસ જાણકારી વગર કમેન્ટ્સ કરવી તે યોગ્ય બાબત નથી.