દાન / ટ્વીટરના CEOએ તિજોરી ખોલી દીધી, કોરોના સંકટમાં એટલી મદદ કરી કે તમે જાણીને નવાઈ પામશો

• Squaireમાં લગાવેલા 1 બિલિયન ડોલરના ઈક્વિટી દાન 
• પોતાની નેટવર્થનાં 28 ટકા રૂપિયા દાન 
• જેફ બેજોસે 100 મિલિયન ડોલર અમેરિકન ફૂડ બેંકમાં આપ્યા

Twitterના ફાઉન્ડર અને CEO જેક ડોર્સીએ કોરોના વાયરસ સામે લડવા માટે 1 બિલિયન ડોલર એટલે કે લગભગ 76 અબજ રૂપિયાના ફંડની જાહેરાત કરી છે. આ પૈસા તેમની નેટવર્થના લગભગ 28 ટકા છે. ટ્વીટરના CEOએ જાણકારી આપી કે તે Squaireમાં લગાવેલા 1 બિલિયન ડોલરના ઈક્વિટીને ચેરિટેબલ ફંડમાં આપી દેશે. તેમણે આ ફંડ Start Small LLC ને વૈશ્વિક મહામારીમાં રાહત ફંડ તરીકે આપ્યું છે. 

નોંધનીય છે કે  Squaire એક કંપની છે જેના કૉ-ફાઉન્ડર જેક પોતે છે, કોરોના સંકટમાં હવે તે તેના બધા જ શેર વેચી દેશે. આ તેમના નેટવર્થનો 28 ટકા હિસ્સો છે. 
જેક ડોર્સીએ ટ્વીટ કરીને આ જાણકારી બધાને આપી છે. ગાર્ડિયનની રિપોર્ટ અનુસાર દુનિયામાં એક વ્યક્તિ દ્વારા કરવામાં આવેલ સૌથી મોટું દાન  છે. જ્યારે દુનિયાના સૌથી અમીર વ્યક્તિ જેફ બેજોસે 100 મિલિયન ડોલર અમેરિકન ફૂડ બેંકમાં આપ્યા છે. 

Bloomberg Billionaires Index અનુસાર ટ્વીટરના ફાઉન્ડર જેક ડોર્સીની કુલ નેટવર્થ 3.9 બિલિયન ડોલર છે. જોકે હજુ સુધી સ્પષ્ટ નથી કે જેક આ ફંડને ક્યાં મોકલશે ? નોંધનીય છે કે પોતાના નિવેદનમાં જેક ડોર્સીએ કહ્યું કે કોરોના મહામારી ખતમ થઇ જાય તે મહિલાઓના સ્વાસ્થ્ય અને શિક્ષણ પર ધ્યાન કેન્દ્રિત કરવામાં આવશે. તેમણે પોતાના ટ્વીટમાં ગૂગલના ડોક્યુમેન્ટ પણ એટેચ કર્યા હતા, તથા ભરોસો અપાવ્યો કે આ બધું પારદર્શક રીતે કરવામાં આવશે. 

નોંધનીય છે જે હે કંપનીને તે પૈસા આપી રહ્યા છે તેમાં પારદર્શિતાને લઈને સવાલ ઉભા ન થાય તે માટે તેમણે ગૂગલ ડોક્યુમેન્ટ એટેચ કર્યું છે જેથી દાનને કોઈ પણ વ્યક્તિ ટ્રેક પણ કરી શકે.