અમેરિકા / Twitterના CEO જેક ડૉર્સીનું અકાઉન્ટ થયું હેક, હેકર્સે કર્યા આપત્તિજનક ટ્વિટ

ટ્વિટરના સંસ્થાપક અને સીઇઓ જેક ડૉર્સીનું ટ્વિટર અકાઉન્ટ શુક્રવારે અડધી રાતે હેક થઇ ગયું હતું, જો કે હવે એમનું અકાઉન્ટ રી સ્ટોર થઇ ગયું છે. હેક થયા બાદ જેક ડૉર્સીના અકાઉન્ટથી હેકર્સ ઘણા આપત્તિજનક ટ્વિટ્સ કર્યા. 

મીડિયા રિપોર્ટ્સ પ્રમાણે ઘણા ટ્વિટ્સ અડધો કલાકથી વધારે સમય સુધી એમની પ્રોફાઇલ પર જ જોવા મળ્યા. જો કે બાદમાં ટ્વિટરની ટીમે એમના અકાઉન્ટને રિકવર કરી લીધું. જણાવી દઇએ કે ટ્વિટરના હાલના સીઇઓ જેક ડૉર્સીના આશરે 42 લાખ ફોલોવર્સ છે. 

ડૉર્સીના અકાઉન્ટ દ્વારા અપમાનજક અને નસ્લવાદીના ટ્વિટને હાલ ડિલીટ કરી દેવામાં આવ્યા છે, જો કે એમના અકાઉન્ટ્સના હેકિંગ દરમિયાન ટ્વિટ કરવામાં આવેલા ટ્વિટ્સના સ્ક્રીનશૉટ વાયરલ થઇ રહ્યા છે. તો બીજી બાજુ કેટલાક યૂઝર્સ જેડ ડૉર્સીના અકાઉન્ટનો પાસવર્ડ કમજોર બનાવીને એમની મજાક ઊડાવી રહ્યા છે. 

The account is now secure, and there is no indication that Twitter's systems have been compromised.

— Twitter Comms (@TwitterComms) August 30, 2019

Chuckling Squad એ દુનિયાભરના ઘણા જાણીતા લોકોના અકાઉન્ટ હેક કરવાનો દાવો કર્યો છે. તાજેતરમાં આ ગ્રુપના બ્યૂટી બ્લૉગર જેમ્સ ચાર્લ્સનું અકાઉન્ટ પણ હેક કરવામાં આવ્યું હતું.