ટેકનોલોજી / હવે ટ્વિટરમાં પણ આવ્યું ફેસબુક જેવું ઇમોજીનું ફિચર

ઇમોજીનો ઉપયોગ કેવી રીતે કરશો? જો તમે પણ ટ્વિટર પર કોઈને મેસેજમા ઇમોજી મોકલવા માંગતા હો, તો મેસેજ પર જાઓ અને હાર્ટ અને પ્લસનાં ચિહ્ન પર ક્લિક કરો. આ પછી, ડબલ ક્લિક અથવા ટેપ કરવાથી તમામ ઇમોજીઝ ઓપન થશે. તેમાંથી તમે તમારું મનપસંદ ઇમોજી પસંદ કરી શકો. ટ્વિટર પર મળેલા ઇમોજીઝમાં ક્રાઇંગ લોલ, શોક્ડ, સરપ્રાઇઝ, સેડ, હાર્ટ, ફ્લેમ અને થમ્બ સામેલ છે.

નોંધનીય છે કે તાજેતરમાં જ ટ્વિટરના નવા એન્ડ્રોઇડ અપડેટમાં થોડી સમસ્યા આવી હતી, જેના કારણે એપ્લિકેશન લોન્ચિંગની સાથે ક્રેશ થઈ રહી હતી. ટ્વિટરના એન્ડ્રોઇડ વર્ઝન 8.28માં આસમસ્યા હતી. સમયે, ટ્વિટર સપોર્ટ દ્વારા આ માટે યુઝર્સની માફી માગવામાં આવી હતી અને આ ખામીને ઝડપથી દુર કરાશે તેવી ખાતરી આપવામાં આવી હતી. ટ્વિટરે કહ્યું છે કે યુઝર્સે નવું અપડેટ બહાર ન આવે ત્યાં સુધી એપ્લિકેશનને અપડેટ ન કરવી જોઈએ.જોકે કંપનીએ હજી સુધી નવું અપડેટ કયારે આપવામાં આવશે તેવું જણાવ્યું નથી.