હેકિંગ / PM નરેન્દ્ર મોદીની પર્સનલ વેબસાઈટનું ટ્વીટર અકાઉન્ટ હેક, જાણો કોણે કર્યુ અને કેમ કર્યુ

• પ્રધાનમંત્રી મોદીની પર્સનલ વેબસાઈટનું ટ્વીટર અકાઉન્ટ હેક
• હેકરે કોવિડ-19 રાહત ફંડ માટે દાનમાં બિટકોઈન માંગ્યા
• ઘટના ધ્યાને આવતા તુરત ટ્વીટ ડિલીટ કરાયા

વધુ એક ટ્વીટમાં હેકરે લખ્યુ કે આ અકાઉન્ટ જોન વિક ([email protected])એ હેક કર્યુ છે. અમે પેટીએમ મોલ હેક નથી કરવામાં આવ્યું. જો કે હવે આ ટ્વીટ ડિલીટ કરી દેવામાં આવી છે. ઉલ્લેખનીય છે કે પીએમ મોદીના પર્સનલ વેબસાઈટના ટ્વીટર અકાઉન્ટના 25 લાખ ફોલોવર્સ છે.

ટ્વીટરે પણ ગુરુવારે આ વાત સ્વીકારતા કહ્યું કે ભારતના પીએમ નરેન્દ્ર મોદીની ખાનગી વેબસાઈટના એક અકાઉન્ટને ઘણી ટ્વીટ્સ સાથે હેક કરવામાં આવી છે. તેમણે કહ્યું કે અમે તપાસ કરી રહ્યા છીએ.

ઉલ્લેખનીય થે કે પેટીએમ મોલના ડેટા ચોરીમાં જોન વિક ગ્રુપનું નામ આવ્યું હતુ. સાઈબર સિક્યોરિટી ફર્મ સાઈબલે 31 ઓગસ્ટે દાવો કર્યો હતો કે જોન વિક ગ્રુપે પેટીએમ મોલનો ડેટા ચારી કર્યો છે. સાઈબરે દાવો કર્યો હતો કે આ ગ્રુપે ખંડણી માંગી હતી. જો કે પેટીએમે દાવાને ફગાવી દેતા કહ્યું કે આવું કંઈ થયું નથી.