દુનિયાની ખ્યાતનામ હસ્તીઓના ટ્વિટર હેંડલ હેક કરનારા 17 વર્ષીય સગીર ગ્રહમ ક્લાર્કને યુએસમાં અરેસ્ટ કરવામાં આવ્યો છે. ઉલ્લેખનીય છે કે ગ્રહણ ક્લાર્કે ટેસ્લાના સીઈઓ એલન મસ્ક, ડેમોક્રેટિક પાર્ટીના રાષ્ટ્રપતિ ઉમેદવાર જો બિડેન, પૂર્વ અમેરિકાના રાષ્ટ્રપતિ બરાક ઓબામા સહિતના ખ્યાતનામ લોકોના ટ્વીટર હેન્ડલ હેક કર્યા હતા.
ફ્લોરિડાનો રહેવાસી છે અને 17 વર્ષનો સગીર છે
અકાઉન્ટ હેક કરી 1 લાખ ડૉલર સુધી કમાણી કરી લીધી
બ્રિટનના 19 અને 22 વર્ષના વધુ બે યુવકો સામે પણ ફરિયાદ
ઉલ્લેખનીય છે કે ફેડરેલ બ્યૂરો ઓફ ઈનવેસ્ટિગેશન અને યૂએસ જસ્ટિસ ડિપાર્ટમેન્ટે મળીને હેકરને પકડવા માટે પુરા દેશમાં તપાસ હાથ ધરી હતી. આ તપાસમાં સામે આવ્યું કે હેક કરનારો શંકાસ્પદ વ્યક્તિ હિલબ્રો દેશનો છે. આની સત્તાવાર રીતે ખાતરી કરી લેવામાં આવી છે. આ વ્યક્તિ ફ્લોરિડાનો રહેવાસી છે અને 17 વર્ષનો સગીર છે. તેની સાથે બ્રિટનના 19 અને 22 વર્ષના વધુ બે યુવકો સામે પણ ફરિયાદ નોંધવામાં આવી છે.
તપાસ અધિકારીઓનું કહેવું છે કે ક્લાર્કે વિભિન્ન સેલિબ્રિટીઓના અકાઉન્ટ હેક કરી 1 લાખ ડૉલર સુધી કમાણી કરી લીધી છે. ત્યારે બ્રિટનના રહેવાસી 19 વર્ષના મેશન શેફર્ડ પર વાયર ફ્રૉડનો કેસ અને મની લોન્ડરિંગનો કેસ દાખલ કર્યો છે. આ ઉપરાંત 22 વર્ષીય નિમા ફજેલી ઉર્ફે રોલેક્સ પર હેકિંગ જેવા ફ્રોડ કરવાનો આરોપ લાગ્યો છે. અધિકારીઓએ શુક્રવારે આરોપી ક્લાર્કને લઈને અનેક પુરાવા રજુકર્યા છે. આરોપીએ સોશિયલ એન્જિનિયરની મદદથી ટ્વીટર કર્મચારીથી ટ્વીટર યૂઝર્સના અકાઉન્ટ મેળવ્યા હતા.
ટ્વીટર અકાઉન્ટ હેકિંગ કેસમાં આરોપીઓની ઓળખ કરી તેમની ધડપકડ કરવાની કામગીરીને અધિકારીઓએ વખાણી છે.