ભારતને છૂટ આપ્યા બાદ ટ્રંપે કર્યું ટ્વીટ અમેરિકા હવે કડક પ્રતિબંધ....

ભારતને ઈરાનથી મળનારા ક્રુડ ઓઈલ પર છવાઈ રહેલું સંકટ હળવું થયુ છે. ઈરાન પાસેથી ક્રૂડ ઓઈલ ખરીદી મામલે ભારત અમેરિકા વચ્ચે સમજૂતિ થઇ છે. જેમાં ભારતે આયાતમાં ઘટાડો કરવા અને ઈરાનને એસ્ક્રો પેમેન્ટ સિસ્ટમ અપનાવવા પર સમહતિ દર્શાવી છે.

એટલે કે અમેરિકી રાષ્ટ્રપતિ ડોનાલ્ડ ટ્રંપએ ભારતને ઈરાન પાસેથી તેલ લેવાની છૂટ આપી છે પરંતુ અન્ય દેશો માટે કડક વલણ યથાવત રાખ્યું છે. 

 

pic.twitter.com/nk2vKvHuaL

— Donald J. Trump (@realDonaldTrump) November 2 2018

આ વાત સ્પષ્ટ થઈ છે ટ્રંપએ તાજેતરમાં કરેલા ટ્વીટ પરથી. ટ્રંપએ આ ટ્વીટ કરી અને સ્પષ્ટ કરી દીધું છે કે અમેરિકા હવે કડક પ્રતિબંધ લાદવાની તૈયારી કરી રહ્યું છે. અમેરિકા તરફથી અગાઉ દબાણ હતું કે ભારત સહિત અન્ય તમામ દેશ 4 નવેમ્બર સુધીમાં ઈરાન પાસેથી તેલ લેવાનું સદંતર બંધ કરી દે. કારણ કે ત્યારેથી ઈરાન પર પ્રતિબંધ લાગૂ થઈ જશે. 

આ ખબરો વચ્ચે ભારત સહિત 8 દેશો માટે રાહતના સમાચાર મળ્યા હતા કે તેમને ઈરાન પાસેથી તેલ લેવામાં પ્રતિબંધ નહીં નડે. પરંતુ આ છૂટ અન્ય દેશોને નહીં મળે. ટ્રંપએ આજે કરેલા ટ્વીટમાં સ્પષ્ટ કરી દીધું છે કે 5 નવેમ્બરથી પ્રતિબંધ લાગૂ થઈ જશે. જેમાં તેનું કડક વલણ સ્પષ્ટ થયું છે.