ભાવનગર: થોડા દિવસ અગાઉ બનેલી ઘટનાએ ચકચાર મચાવી હતી. જેમાં ટીંબી ગામે થયેલ યુવાનની હત્યાને લઇ અનેક ચર્ચાઓ થઇ રહી હતી. જેમાં એવું જણાવાય રહ્યું હતું કે યુવકની હત્યા ઘોડી રાખવાની બાબતે થઇ હતી. પરંતુ પોલીસ દ્વારા વધુ તપાસ હાથ ધરતા એવું બહાર આવ્યું છે કે છોકરીઓની છેડતીને લઇ હત્યા થઇ હતી.
પોલીસના જણાવ્યા અનુસાર આ હત્યા ઘોડી રાખવા બાબતે નહીં પરંતુ છોકરીઓની છેડતીને લઇ થઇ હોવાનુ જાણવા મળી રહ્યું છે.
ત્યારે દલિત આગેવાનોએ પોલીસ પર આક્ષેપો લગાવ્યા હતા કે તેઓ ગુનેગારોને છાવરે છે. બનાવ બાદ દલિત સમાજના આગેવાનોએ કહ્યું કે અમારી લડાઇ કોઇ જાતિ-જ્ઞાતિ સાથે નથી પરંતુ અસામાજિક અને માથાભારે શખ્સો સામેની છે.
મહત્વનું છે કે ભાવનગરના ટીંબી ગામે ઘોડી પર ગામમાં નિકળતા પ્રદીપ રાઠોડની ક્ષત્રિય સમાજના લોકો દ્વારા હત્યા કરાઇ હતી. જેને લઇ મૃતકના પિતાએ પોલીસ ફરિયાદ નોંધાવી હતી. તેમણે જણાવ્યું હતું કે તેમને દીકરો પ્રદીપ ઘોડી લઇને ગામમાં નિકળતો જે ગામલોકોને ગમતું ન હતું. જેને લઇ તેની હત્યા કરવામાં આવી છે.
આ ઘટનાના પગલે પોલીસ દ્વારા 3 શખ્સોની અટકાયત કરી હતી. જેમાં પોલીસને જાણવા મળ્યું કે આ મરનાર યુવકને ઘોડી લઇ વિહાર કરવાના મામલે નહીં પરંતુ છોકરીઓની છેડતી કરતો હોવાને લઇ હત્યા કરાઇ હતી. તેવું પ્રાથમિક તપાસમાં જાણવા મળી રહ્યું છે.
શું કહી રહ્યા છે મૃતકના પીતા?
ટીંબી ગામે ઘોડી લઇ ગામમાં સવારી કરતા યુવકને ધમકાવ્યો હતો. જેમાં ગામના કેટલાક લોકોએ કહ્યં કે અગાઉ પણ અવારનાવાર ઘોડી વેચી દેવા કહ્યું અને મારી નાખવાની ધમકી પણ મળી હતી. તેવું મૃતકના પીતાએ જણાવ્યું હતું. વધુમાં તેમણે કહ્યું કે મારો દિકરો ગામમાં ઘોડી લઇ નિકળતો તે ગામના અમુક લોકોને ગમતું ન હતું. જેને લઇ હત્યા કરવામાં આવી છે.
પોલીસ તપાસમાં શું આવ્યું બહાર?
યુવકની હત્યા મામલે વધુ તપાસ કરતા નવો ખુલાસો બહાર આવ્યો છે. જેમાં હત્યા ઘોડી લઇ નિકળતો હોવાને લઇ થઇ હોય તેવું જણાતું નથી. પોલીસ દ્વારા અટકાયત કરાયેલ શખ્સોની પુછપરછમાં બહાર આવ્યું કે મૃતક યુવક શાળામાં ભણતો ત્યારથી જ રંગીન મિજાજી હતો. જે અભ્યાસ દરમિયાન છેડતી કરતો હતો. ત્યારબાદ ખેતી કામ કરતા પણ છોકરીઓને છેડવાનું છોડતો ન હતો. તેવું પોલીસ તપાસમાં જાણવા મળી રહ્યું છે.
ત્યારે હાલ ટીંબી ગામના યુવકની હત્યાને લઇ દલિત સમાજ દ્વારા રોષ વ્યક્ત કરાયો અને છાવરવાના આક્ષેપો લગાવાય રહ્યા છે. ત્યારે દલિત સમાજ દ્વારા ઉંડાણપૂર્વક અને ઉચ્ચસ્તરીય તપાસ કરવા મુખ્યમંત્રીને રજૂઆત કરવામાં આવી છે.