આ કઈ રીતે થયું? / 15 મિનિટનાં અંતરમાં બે જોડિયા બાળકોનો જન્મ, પણ વર્ષ જુદા જુદા! ફોટો થયો વાયરલ

• અમેરિકાના કેલિફોર્નિયામાં બે જુડવા બાળકોનો જન્મ 
• અલગ અલગ દિવસોએ કરવામાં આવશે ઉજવણી 
• બન્નેના જન્મમાં છે 1 વર્ષનું અંતર,જાણો કઈ રીતે 

અમેરિકાના કેલિફોર્નિયામાં બે જુડવા બાળકોનો જન્મ અલગ અલગ દિવસોએ ઉજવવામાં આવશે. આવું ખુબ જ રેર કેસમાં થાય છે જ્યારે બે જુડવા બાળકોનો જન્મ આ પ્રકારે થયો હોય. 

નવું વર્ષ આવવાના 15 મિનિટ પહેલા થયો બાળકનો જન્મ 
એક ખબર અનુસાર શુક્રવારે સાંજે ફાતિમા મેડ્રીગલ અને રોબર્ટ રૂજિલોને આ નવું વર્ષ શરૂ થયા પહેલા 11 વાગીને 45 મિનિટ પર એક બાળકનો જન્મ થયો. તેનું નામ એલફ્રેડો રાખવામાં આવ્યું. 

12 વાગ્યે દિકરીનો જન્મ થયો 
હવે બધા પહેલા દિકરાના જન્મની ખુશી મનાવી જ રહ્યા હતા કે 15 મિનિટ બાદ રાત્રે 12 વાગ્યે આ કપલના ત્યાં દિકરીનો જન્મ થયો. ત્યાં સુધી નવું વર્ષે આવી ચુક્યું હતું. દિકરીનું નામ આયલિન રાખવામાં આવ્યું હતું. આ સંયોગથી માતા અને પિતા બન્ને ચોંકી ગયા હતા કે તેમના બે જુડવા બાળકોનો જન્મ અલગ અલગ દિવસે સેલિબ્રેટ કરવામાં આવશે અને તેમની ઉંમરમાં પણ એક વર્ષનું અંતર રહેશે.