ટ્વિંકલની માતા ડિમ્પલ કાપડિયા લાગતું હતું કે અક્ષય કુમાર ગે છે એટલા માટે લગ્ન પહેલા ડિમ્પલે કહ્યું હતું કે આ એક શરત પૂરી કર્યા પછી જ અક્ષય કુમાર ખન્ના પરિવારનો જમાઈ બની શકશે.
અક્ષય કુમાર અને તેમની સાસુ ડીમ્પલ કાપડિયાનો રમૂજી કિસ્સો વાયરલ
ડિમ્પલને લાગતું હતું કે અક્ષય કુમાર ગે છે
દીકરીના લગ્ન માટે ડિમ્પલે મૂકી હતી આ શરત
બૉલીવુડના ખેલાડી કહેવાતા અક્ષય કુમારને આપણે બધા ઓળખીએ છીએ અને તેમના અંગત જીવન વિશે આપણે ઘણું જાણીએ પણ છીએ. પણ ઘણા એવા કિસ્સા હોય છે જેના વિશે આપણે નથી જાણતા અને અક્ષય કુમાર અને તેમની સાસુ ડીમ્પલ કાપડિયાના જીવન સાથે જોડાયેલ એક રમૂજી કિસ્સો હાલ સોશ્યલ મીડિયા પર વાયરલ થઈ રહ્યો છે. જેના વિશે આજે અમે તમને જણાવવા જઈ રહ્યા છીએ.
શું છે એ કિસ્સો
અક્ષય કુમાર અને તેની પત્ની ટ્વિંકલ ખન્નાના લગ્નને લગભગ 20 વર્ષ પૂરા થઈ ગયા છે પણ બંનેની કેમિસ્ટ્રી આજે પણ ઘણી સારી છે.જો કે ટ્વિંકલ ખન્નાએ લગ્ન પછી ફિલ્મી દુનિયા છોડી દીધી હતી પરંતુ રિયલ લાઈફને કારણે તે ઘણીવાર ચર્ચામાં રહે છે. વર્ષ 2016માં ટ્વિંકલ અને અક્ષય કુમાર કરણ જોહરના ચેટ શો કોફી વિથ કરણમાં આવ્યા હતા અને એ શોમાં તેમને તેમના અંગત જીવન સાથે જોડાયેલ ઘણા કિસ્સાઓ શેર કર્યા હતા.
જમાઈ બનવા પૂરી કરવી પડશે શરત
ટ્વિંકલની માતા ડિમ્પલ કાપડિયાએ અક્ષય કુમાર સામે લગ્ન પહેલા એક શરત મૂકી હતી અને તેનું કારણ એ છે કે ડિમ્પલને લાગતું હતું કે અક્ષય કુમાર ગે છે, ડિમ્પલે કહ્યું હતું કે શરત પૂરી થયા પછી જ અક્ષય કુમાર ખન્ના પરિવારનો જમાઈ બની શકશે.
શા માટે ગે માનતી હતી?
ડીમ્પલ કાપડિયા અક્ષય કુમારને ગે માનતી હતી કારણ કે તેને તેના એક પત્રકાર મિત્ર એ તેને આ વાત કહી હતી. તમને જણાવી દઈએ કે અક્ષય અને ટ્વિંકલની બે વખત સગાઈ થઈ હતી પરંતુ કોઈ કારણસર બંને વખત સગાઈ તૂટી ગઈ. કિસ્સો ત્યાંથી શરૂ થાય છે જ્યારે અક્ષયે લગ્ન માટે ટ્વિંકલનો હાથ માંગ્યો હતો અને તે દરમિયાન ટ્વિંકલની ફિલ્મ મેલા રિલીઝ થવાની હતી. ટ્વિંકલ ખન્નાને ફિલ્મ પ્રત્યે પૂર્ણ વિશ્વાસ હતો કે ફિલ્મ હિટ થશે અને એટલા માટે જ ટ્વિંકલે અક્ષય કુમારને કહ્યું કે જો તેની ફિલ્મ ફ્લોપ થશે તો તે તરત જ તેની સાથે લગ્ન કરી લેશે.
અંતે થયું એવું કે ફિલ્મ ફ્લોપ થઈ ગઈ અને તેને અક્ષયના કહેવા પ્રમાણે લગ્ન કરવાની હા પાડી હતી પણ એ સમયે ડિમ્પલના ના કહેવા પર લગ્ન નહતા થયા. ઘણું મનાવ્યા પછી ડિમ્પલે અક્ષય સામે એક શરત મૂકી હતી. એ શરત પૂરી કર્યા પછી જ ડીમ્પલ તેની દીકરીના લગ્ન અક્ષય સાથે કરાવવા માટે તૈયાર થઈ હતી.
દીકરીના લગ્ન માટે ડિમ્પલે આ શરત મૂકી હતી
ડિમ્પલ કાપડિયાની એ શરત એવી હતી કે ટ્વિંકલ અને અક્ષયના લગ્ન પહેલા બંનેને એક વર્ષ સાથે રહે અને એક બીજાને ઓળખે અને જો પસંદ પડે તો જ લગ્ન કરે. જો કે અક્ષયે આ શરત ખુશીથી સ્વીકારી લીધી અને પછી વર્ષ 2001માં બંનેએ લગ્ન કર્યા હતા. જો કે તમને જણાવી દઈએ કે આ એક વર્ષમાં ટ્વિંકલે અક્ષયના આખા પરિવાર સાથે જોડાયેલી દરેક નાની માહિતી જાણી લીધી હતી. પરિવારમાં કોને કયો રોગ છે અને કોને જલ્દી ટાલ પડી ગઈ છે અને તેની પાછળ કારણ શું છે આવી દરેક વાતો વિશે જાણ્યા પછી બંનેના લગ્ન થયા હતા.