વિવાદ / અક્ષય કુમારની પત્નીએ કશ્મીર ફાઇલ્સ પર માર્યો જોક, મળ્યો એવો જવાબ કે લાગી જશે મિર્ચી

• ધ કશ્મીર ફાઈલ્સની ટ્વિન્કલ ખન્નાએ ઉડાવી મજાક 
• મા ડિમ્પલ સાથે શેર કર્યો ફિલ્મનાં નામને લઈને આઈડિયા
• અશોક પંડિતે આપ્યો જડબાતોડ જવાબ 

'ધ કશ્મીર ફાઈલ્સ' બોક્સ ઓફિસ પર ધમાલ મચાવી રહી છે. જેમણે આ ફિલ્મ જોઈ તેઓ ખુદને રડતા રોકી ન શક્યા. આ વચ્ચે અક્ષય કુમારની પત્ની અને ફેમસ એક્ટ્રેસ ટ્વિન્કલ ખન્નાએ ધ કશ્મીર ફાઈલ્સનાં ટાઈટલ પર મજાક કરી હતી, જે ફિલ્મ નિર્માતા અશોક પંડિતને પસંદ ન પડ્યું. હવે અશોક પંડિતે ટ્વિન્કલનાં જોક પર તકલીફ જતાવી છે. 

અશોક પંડિતે કર્યું ટ્વીટ 
ફિલ્મ નિર્માતા અશોક પંડિતે ટ્વિન્કલ ખન્નાને જવાબ આપતા ટ્વીટ કર્યું કે મેમ તમે લેટ થઇ ગયા. કશ્મીરી પંડિતોનાં નરસંહાર પર બનેલી ફિલ્મએ પહેલા જ સાંપ્રદાયિકતાની સ્મશાનમાં #IslamicTerrorismની ખીલ ઠોકી દીધી છે. તમને વિનંતી કરું છું કે 7 લાખ કશ્મીરી પંડિતોનાં નરસંહાર પ્રત્યે આટલા અસંવેદનશીલ ન બનો. 

.@mrsfunnybones ma’am, you are too late. This film (#KashmirFiles) on the genocide of #KashmiriPandits has already hit the nail on the communal coffin of #IslamicTerrorism.
Request you not be so insensitive towards the genocide of 7 lac #KashmiriPandits . pic.twitter.com/3CMQqRm63x

— Ashoke Pandit (@ashokepandit) April 4, 2022

ટ્વિન્કલ ખન્નાએ જુઓ શું કહ્યું હતું 
ધ કશ્મીર ફાઈલ્સ પર રીએક્ટ કરતા ટ્વિન્કલ ખન્નાએ લખ્યું હતું કે એક ડાયરેક્ટરની ઓફિસમાં મિટિંગ દરમિયાન સાંભળવા મળ્યું કે ધ કશ્મીર ફાઈલ્સની સફળતા બાદ, આવા ફિલ્મોનાં ટાઈટલોની આંધી આવી ગઈ છે. મોટા શહેરોનાં નામ પહેલા જ રજિસ્ટર થઇ ગયા છે. પરંતુ હવે આ ગરીબ લોકો અંધેરી ફાઈલ્સ, ખાર ડંડા ફાઈલ્સ અને સાઉથ બોમ્બે ફાઈલ્સ જેવા નામ રજિસ્ટર કરાવી રહ્યા છે.

મા ડિમ્પલ સાથે શેર કર્યો આ આઈડિયા 
આવામાં ટ્વિન્કલે આ વાત પર રીએક્ટ કરતા કહ્યું કે હું પણ મારી ફિલ્મ માટે ટાઈટલ શોધી રહી હતી. આવામાં મેં પોતાની ફિલ્મનો આઈડિયા મા ડિમ્પલ સાથે શેર કર્યો અને કહ્યું કે હું જલ્દી જ નેલ ફાઈલ્સ નામની એક ફિલ્મ બનાવવા જઈ રહી છું. 

ધ કશ્મીર ફાઈલ્સ જીતી રહી છે દર્શકોનાં દિલ 

ફિલ્મ પ્રોડયૂસર અને ડાયરેક્ટર વિવેક અનીહોત્રી આજકાલ પોતાની નવી ફિલ્મને લઈને ચર્ચામાં છે. કશ્મીરી પંડિતોની વેદના દર્શાવતી આ ફિલ્મ લોકોના દિલ જીતી રહી છે. લોકોની ભાવનાઓ આ ફિલ્મ સાથે જોડાયેલ છે. આ મુદ્દા પર પહેલા પણ ફિલ્મો બની હતી પરંતુ ક્યારેય આટલી ડેપ્થમાં આ મુદ્દા પર વાત કરવામાં આવી નથી. પરંતુ હવે વિવેક અગ્નિહોત્રીએ આ કરી બતાવ્યું છે. ફિલ્મને દેશભરની જનતાનો સપોર્ટ મળી રહ્યો છે અને સાથે જ સરકાર તરફથી પણ સમર્થન મળ્યું છે.