ક્રિકેટ / બે વખત મેં ટીમને ફાઇનલમાં પહોંચાડી, છતાં મને ફેલ કેપ્ટન માન્યો: વિરાટ કોહલીએ આખરે હૈયાવરાળ કાઢી નાંખી

• RCB એ બહાર પાડી પોડકાસ્ટ સિરીઝ 
• વિરાટ કોહલીએ તેની કેપ્ટનશિપને લઈને વાત કરી 
• એ છતાં મને નિષ્ફળ કેપ્ટન કહેવામાં આવ્યો - કોહલી 

આઇસીસી વુમન્સ ટી-20 વર્લ્ડ કપ 2023માં ભારતને ઓસ્ટ્રેલીયા સામે 5 રનથી હારનો સામનો કરવો પડ્યો હતો. જણાવી દઈએ કે કેપટાઉનમાં રમાયેલી મેચમાં ઓસ્ટ્રેલિયાએ ભારતીય ટીમ સામે 173 રનના ટાર્ગેટ મળ્યો હતો જએની સામે નિર્ધારિત ઓવરમાં આઠ વિકેટે ટીમ ઈન્ડિયા 167 રન જ બનાવી શકી હતી. આ હાર સાથે જ ટીમ ઈન્ડિયાનું ફરી એકવાર વર્લ્ડ ટાઈટલ જીતવાનું સપનું તૂટી ગયું હતું. મહિલા ટીમની જેમ પુરુષોની ટીમ પણ છેલ્લા 10 વર્ષથી ICC ટ્રોફીની રાહ જોઈ રહી છે. 

વિરાટ કોહલીએ આખરે હૈયાવરાળ કાઢી#IndianCricketTeam #ViratKohli #VTVcard #VtvGujarati pic.twitter.com/DkWt5lBR65

— VTV Gujarati News and Beyond (@VtvGujarati) February 25, 2023

RCB એ બહાર પાડી પોડકાસ્ટ સિરીઝ 
આ દરમિયાન લાંબા સમયથી ટીમ ઈન્ડિયામાં લાંબા સમય સુધી કેપ્ટનશિપ સાંભળી હતી એવા કોહલીએ ફરી એકવાર આ ટ્રોફી વિશે ખુલ્લીને વાત કરી છે. જણાવી દઈએ કે IPL 2023 પહેલા રોયલ ચેલેન્જર્સ બેંગ્લોર દ્વારા એક પોડકાસ્ટ સિરીઝ બહાર પાડવામાં આવી છે, જેમાં ભૂતપૂર્વ કેપ્ટન વિરાટ કોહલીએ વાત કરી છે. વિરાટ કોહલીને પૂછવામાં આવ્યું કે શું તમને એ વાત ખટકે છે કે તમે ક્યારેય ICC ટ્રોફી નથી જીતી. 

એ છતાં મને નિષ્ફળ કેપ્ટન કહેવામાં આવ્યો
આ વિશે જવાબ આપતા વિરાટ કોહલીએ કહ્યું, 'તમે હંમેશા ટૂર્નામેન્ટ જીતવા માટે રમો છો, મેં ચેમ્પિયન્સ ટ્રોફી 2017, વર્લ્ડ કપ 2019, વર્લ્ડ ટેસ્ટ ચેમ્પિયનશિપ 2021, T20 વર્લ્ડ કપ 2022માં કેપ્ટનશિપ કરી હતી અને અમે ચેમ્પિયન્સ ટ્રોફીની ફાઇનલમાં, વર્લ્ડ કપની સેમિફાઇનલ અને વર્લ્ડ ટેસ્ટ ચેમ્પિયનશિપની ફાઇનલ સુધી પહોંચ્યા હતા. એ છતાં મને નિષ્ફળ કેપ્ટન કહેવામાં આવ્યો છે પણ તે વધુ મહત્વનું નથી. હું મારી જાતને તે રીતે જોતો નથી. અંતે ટીમે જે મેળવ્યું એ જ પરિણામ છે.' જણાવી દઈએ કે વિરાટ કોહલીની કેપ્ટન્સીમાં ટીમ ઈન્ડિયા ટેસ્ટમાં નંબર-1 બની હતી, પરંતુ ટીમ ઈન્ડિયા તેના કાર્યકાળ દરમિયાન કોઈ પણ આઈસીસી ટ્રોફી જીતી શકી નથી.

2 મુખ્ય ટાઇટલ જીત્યા 
વિરાટ કોહલીએ કહ્યું કે ટૂર્નામેન્ટ સમયાંતરે થાય છે પણ ટીમનું કલ્ચર લાંબા સમય સુધી રહે છે. ટીમમાં આવું કલ્ચર વિકસાવવાનો મારો પ્રયાસ રહ્યો છે. એક ખેલાડી તરીકે મેં ODI વર્લ્ડ કપ જીત્યો અને ચેમ્પિયન્સ ટ્રોફી જીતી. તેથી મેં જે હાંસલ કર્યું છે તેનાથી હું ખુશ છું.' આપણે બધા જાણીએ છીએ કે કોહલી 2011 ODI વર્લ્ડ કપ અને 2013 ચેમ્પિયન્સ ટ્રોફી વિજેતા ટીમનો ભાગ હતો. એમએસ ધોનીએ બંને ટુર્નામેન્ટમાં કેપ્ટનશીપ કરી હતી.