- અમેરિકા, ઓસ્ટ્રેલિયા અને બ્રિટને સાથે મળીને સંગઠન બનાવ્યું
- બાઈડન સરકારે કહ્યું આ સંગઠનમાં કોઈ પણ દેશને સામેલ કરવામાં નહી આવે
- ચીનના વધતા પ્રભાવને અટકાવવા સુરક્ષા સંગઠનની જાહેરાત કરી
અમેરિકા, ઓસ્ટ્રેલિયા અને બ્રિટને સાથે મળીને સંગઠન બનાવ્યું
હિન્દ-પ્રશાંત ક્ષેત્રમાં ચીનનો ઘેરાબંધી કરવા માટે અમેરિકા, ઓસ્ટ્રેલિયા અને બ્રિટનને સાથે મળીને એક નવું સંગઠનન બનાવ્યું છે જેનું નામ ઓકસ છે. અમેરિકાએ આ ત્રીપક્ષીય સંગઠનમાં ભારત અને જાપાનને સમાવેશ કરવાની સંભાવનાઓ ખારીજ કરી દીધી હતી. અમેરિકાએ સ્પષ્ટ રીતે કહી દીધું છે કે, આ નવા ગઠબંધનમાં ભારતનો સમાવેશ કરવામાં નહી આવે પરંતુ અહી એ સવાલ ઉઠે છે કે, ચીન વિરોધી ગઠબંધ ઓક્સમાં ભારતને સમાવેશ કર્યા વિના અમેરિકા હિંન્દ અને પ્રશાંત ક્ષેત્રમાં ડ્રેગનની દાદાગીરીને અમેરિકા કેવી રીતે ઓછી કરી શકશે
બાઈડન સરકારે કહ્યું આ સંગઠનમાં કોઈ પણ દેશને સામેલ કરવામાં નહી આવે
મહત્વનું છે કે, વ્હાઈટ હાઉસના પ્રેસ સચિવ જેન સાકીએ બુધવારે સંવાદદાતા સંમેલનનમાં કહ્યું હતું કે, પાછલા અઠવાડિયે ઓક્સની ઘોષણા માત્ર સાંકેતિક નથી મને લાગે છે કે, રાષ્ટ્રપતિ જો બાઈડનને પણ ફ્રાંન્સના રાષ્ટ્રપતિ ઇમેન્યુઅલ મેક્રોનને આ જ સંદેશ આપવામાં આવ્યો છે કે ઇન્ડો-પેસિફિકની સુરક્ષા માટે રચાયેલા ગઠબંધનમાં અન્ય કોઇ દેશને સામેલ કરવામાં આવશે નહીં. સાકીને પૂછવામાં આવ્યું કે શું ભારત કે જાપાન આ જોડાણમાં સામેલ થશે, જેનો તેમણે આ જ જવાબ આપ્યો.
ચીનના વધતા પ્રભાવને અટકાવવા સુરક્ષા સંગઠનની જાહેરાત કરી
ઉલ્લેખનીય છે કે, 15 સપ્ટેમ્બરના રોજ અમેરિકા, બ્રિટન અને ઓસ્ટ્રેલિયાએ હિંન્દ-પ્રશાંતમાં ચીનના વધતા પ્રભાવ વચ્ચે વ્યૂહાત્મક રીતે મહત્વના ક્ષેત્ર માટે નવા ત્રિપક્ષીય સુરક્ષા જોડાણ ઓક્સ (AUKUS)ની જાહેરાત કરી હતી, અને તેમના સહિયારા હિતોની રક્ષા કરવા અને સંરક્ષણ ક્ષમતાઓને વધુ સારી રીતે વહેંચવામાં મદદ કરી હતી. ઓસ્ટ્રેલિયાએ પરમાણુ શક્તિ ધરાવતી સબમરીન હસ્તગત કરી. આ કરારને કારણે તેણે ફ્રાન્સ સાથેનો કરાર રદ કર્યો છે.
શું AUKUS છે
તાજેતરમાં, અમેરિકા, બ્રિટન અને ઓસ્ટ્રેલિયાએ નવા સુરક્ષા ગઠબંધન (ઓક્સ) ની જાહેરાત કરી છે. આ ગઠબંધન બાદ ઓસ્ટ્રેલિયા પરમાણુ સંચાલિત સબમરીનને સજ્જ કરી શકશે. આ જોડાણ ઇન્ડો-પેસિફિક (Indo-Pacific) અને અન્ય પ્રદેશોમાં સંબંધોને નવો દેખાવ આપશે. આ નિર્ણયથી ચીન ખૂબ નારાજ થઈ ગયું છે. તેમણે કહ્યું છે કે, તેઓ કરાર પર ચાંપતી નજર રાખશે. તે જ સમયે, આ કરારનો અમેરિકા (America), બ્રિટન, ઓસ્ટ્રેલિયા અને અન્ય દેશો માટે અલગ અલગ અર્થ છે.
