TVSએ પોતાનું જાણીતું સ્કૂટર Ntorq 125 ની સ્પેશિયલ એડિશન લૉન્ચ કરી છે. TVS Ntorq 125 Race Editionમાં કોસ્મેટિક ફેરફાર કરવામાં આવ્યા છે. આ સ્પેશિયલ એડિશનની કિંમત સ્કૂટરના સ્ટાન્ડર્ડ મોડલથી વધારે છે.
TVSએ પોતાનું જાણીતું સ્કૂટર Ntorq 125 ની સ્પેશિયલ એડિશન લૉન્ચ કરી
નવા મૉડલની એક્સ શોરૂમ કિંમત 62,995 રૂપિયા છે
ટીવીએસ એનટૉર્ક હવે કુલ 8 કલર ઓપ્શનમાં ઉપલબ્ધ છે
TVS Ntorq 125 Race Edition નામથી આવેલા આ નવા મૉડલની એક્સ શોરૂમ કિંમત 62,995 રૂપિયા છે. એની કિંમત એનટૉર્ક 125 સ્કૂટરના સ્ટાન્ડર્ડ મોડલથી 3 હજાર રૂપિયા વધારે છે. નવા મૉડલમાં T શેપ એલઇડી ડીઆરએલની સાથે નવી એલઇડી હેડલાઇટ આપવામાં આવી છે. આ ઉપરાંત કેટલાક અન્ય ફેરફાર પણ થયા છે.
નવી એલઇડી હેડલાઇટ ઉપરાંત સ્કૂટરના રેસ એડિશનમાં યૂનિક કલર સ્કીમ છે. એની બૉડી પેનલ રેડ, બ્લેક અને સિલ્વર કલરમાં છે. સ્કૂટરના ફ્રંટ એપ્રન અને સાઇડ પેનલ પર ચેકર સ્ટાઇલ ડેકલ્સ છે. આ ઉપરાંત એનટૉર્કના આ નવા મૉડલમાં હેઝર્ડ લાઇટ અને રેસ એડિશનનો બેજ આપવામાં આવ્યો છે.
નવી કલર સ્કીમની સાથે ટીવીએસ એનટૉર્ક હવે કુલ 8 કલર ઓપ્શનમાં ઉપલબ્ધ છે. એમાં 3 મેટેલિક અને 5 મેટ ફિનિશ છે. સ્પેશિયલ એડિશનમાં મેકેનિકલી કોઇ ફેરફાર કરવામાં આવ્યો નથી. એનટૉર્કમાં 124.8 CC, સિંગલ સિલિંડર એન્જીન આપવામાં આવ્યું છે, જે 7500rpm પર 9.4hpનો પાવર અને 5500rpm પર 10.5Nm ટૉર્ક જનરેટ કરે છે.
ટીવીએસનું આ સ્કૂટર બ્લૂટૂથ કનેક્ટિવિટી ફીચરની સાથે આવે છે. આ ફીચરથી તમે એક એપના માધ્યમથી પોતાના સ્માર્ટફોનને સ્કૂટરથી કનેક્ટ કરી શકે છે.
જણાવી દઇએ કે એનટૉર્ક 125 કંપનીનું ખૂબ જ ફેમસ સ્કૂટર છે. લૉન્ચિંગના 7 મહિનાથી પણ ઓછા સમયમાં આ સ્કૂટરને 1 લાખ યૂનિટના વેંચાણનો આંકડો પાર કરી લીધો હતો. તાજેતરમાં કંપનીએ એનટૉર્કનું ડ્રમ બ્રેક વેરિયન્ટ લૉન્ચ કરી હતી, જેની કિંમત 58, 552 રૂપિયા છે.