Utility / TVSનું આ નવું ઈ સ્કૂટર 75 કિમીની એવરેજ આપશે; જાણો શું છે કિંમત અને ફીચર્સ

• TVS ઈ સ્કૂટર ફૂલ ચાર્જ પછી 75 કિમીનું અંતર કાપી શકશે.
• 0 થી 40 કિમીની ઝડપ 4.2 સેકન્ડમાં પકડશે

આ છે TVS સ્કૂટરની ખાસિયત 

આ ઈ સ્કૂટરનું નામ TVS આઈક્યુબ છે. આ સ્કૂટરમાં 4.4 કેવીની ઇલેક્ટ્રિક મોટર લગાવેલી છે. આ મહત્તમ 78 કિમી પ્રતિ કલાકની ઝડપે દોડી શકશે. એક વખત ફૂલ ચાર્જ થયા બાદ તે 75 કિમી જેટલું અંતર કાપી શકશે. 

0 થી 40 કિમી પ્રતિ કલાકની ઝડપ આ સ્કૂટર ફક્ત 4.2 સેકન્ડમાં મેળવી શકશે. આ ઉપરાંત જીઓ ફેસિંગ, રિમોટ બેટરી ચાર્જ નેવિગેશન જેવી સુવિધાઓ પણ મળે છે. 

શું છે કિંમત?

કર્ણાટકથી જો ખરીદવામાં આવે તો આ સ્કૂટર 1.15 લાખ રૂપિયામાં ખરીદી શકાશે. બેંગ્લોરથી તમે ખરીદી કરી શકશો. ત્યાર બાદ આ સ્કૂટર દેશના અન્ય શહેરોમાં પણ વેચવામાં આવશે. કંપનીના મતે હાલ દર મહિને 1000 યુનિટ તૈયાર કરવામાં આવશે. TVSના ઈ સ્કૂટર લોન્ચિંગ વખતે કર્ણાટકના મુખ્યમંત્રી યેદિયુરપ્પા, કેન્દ્રીય પરિવહન મંત્રી નીતિન ગડકરી અને TVS મોટર કંપની ચેરમેન વેણુ શ્રીનિવાસન હાજર હતા.

બજાજ ચેતક સાથે થશે સીધી ટક્કર

ભારતીય બજારમાં તેની મુખ્યત્વે બજાજ ચેતક ઇલેક્ટ્રિક સાથે સ્પર્ધા થવાની અપેક્ષા છે. બજાજ ઓટોના ચેતક સ્કૂટર વિશે વાત કરવામાં આવે તો તે બે વેરિએન્ટમાં ઉપલબ્ધ થશે - ઇકો અને સ્પોર્ટ મોડ. કંપની ઇકો મોડમાં 95 કિમીની રેન્જ આપશે, જ્યારે સ્પોર્ટ મોડમાં આ સ્કૂટર 85 કિમીની રેન્જ આપશે. સલામતી માટે ઇન્ટિગ્રેટેડ બ્રેકિંગ સિસ્ટમ ઉપલબ્ધ થશે. 

તેમાં એક વિશાળ ડિજિટલ ઇન્સ્ટ્રુમેન્ટ પેનલ હશે જે સ્માર્ટફોન માટે બ્લૂટૂથ કનેક્ટિવિટી અને ટર્ન-બાય-ટર્ન નેવિગેશનનો પણ સપોર્ટ હશે. આ સ્કૂટરની પ્રારંભિક કિંમત 1 લાખ રૂપિયા છે.