કોરોનાવાયરસને કારણે દેશભરમાં હાલ લોકડાઉન ચાલી રહ્યું છે. એવામાં ફિલ્મો અને ટેલિવિઝન શોઝની શૂટિંગ ઠપ થઈ ગઈ છે. ત્યારે હાલમાં જ ટીવી સીરિયલ 'હમારી બહુ સિલ્ક'ના એક્ટર્સ અને ટીમએ મેકર્સ પર એક વર્ષથી પેમેન્ટ ન કરવાનો આરોપ લગાવ્યો છે.
લોકડાઉનને કારણે ટીવી એક્ટર્સની હાલત થઈ કફોડી
ટીવી સીરિયલ 'હમારી બહુ સિલ્ક'ની ટીમને નથી મળ્યું પેમેન્ટ
ત્યારે સીરિયલના મેકર્સને લઈને એક્ટર ઝાન ખાને લખ્યું- હું આ પોસ્ટ 'હમારી બહુ સિલ્ક'ની ટીમના ટેક્નિશિયન, કેમેરામેન, શોની યૂનિટ, મેકઅપ મેન, મારા કો-સ્ટાર અને પોતાના માટે લખી રહ્યો છું. અત્યાર સુધી મેં મારા કરિયરમાં ઘણાં પ્રોડક્શન હાઉસ સાથે કામ કર્યું છે. પરંતુ આવો વ્યવહાર કોઈપણ શોની ટીમ સાથે કરવામાં નથી આવ્યો. મને હમેશાં સમય પર પેમેન્ટ મળતું રહ્યું છે.
આગળ ઝાન ખાને લખ્યું- ઝી ટીવી પર પ્રસારિત થનારું 'હમારી બહુ સિલ્ક'ના પ્રોડ્યૂર્સ મને અને મારી ટીમ સાથે અયોગ્ય વ્યવહાર કરી રહ્યાં છે. જોકે, ટીવી ઈન્ડસ્ટ્રીનું આ કટુ સત્ય છે, તેમ છતાં અમે આની વિરૂદ્ધ અવાજ ઉઠાવવા માંગુ છું. શોના પ્રોડ્યૂસર્સ દિવ્યા નિરાલે, જ્યોતિ ગુપ્તા અને સુધાંશૂ ત્રિપાઠીએ અત્યારે આવા સંકટ સમયમાં બધાંને સેલેરી આપવી જોઈએ. બહુ થઈ ગયું. આ ખોટો વ્યવહાર હવે બંધ કરવો પડશે. મળતી માહિતી પ્રમાણે કટુ આ સીરિયલના એક્ટર્સ અને ટીમને લાંબા સમયથી કામના પૈસા મળ્યા નથી.
ઉલ્લેખનીય છે કે, પેમેન્ટ ન મળવાથી 'હમારી બહુ સિલ્ક'ની આખી ટી આર્થિક તંગીથી પરેશાન છે. જો આવું જ રહ્યું તો સીરિયલની ટીમના લોકોએ મેકર્સને આત્મહત્યા કરવા સુધ્ધાની ધમકી આપી દીધી છે. આ સીરિયલથી જોડાયેલી ટીમનું કહેવું છે કે, જો તેમને સેલરી ન આપવામાં આવી તો તેમની પાસે સુસાઈટ કર્યા સિવાય બીજો કોઈ રસ્તો નહીં બચે.
તમને જણાવી દઈએ કે, લોકડાઉનને કારણે ટીવી એક્ટર્સ કોઈપણ શોની શૂટિંગ કરી નથી શકી રહ્યાં અને ઘણાં શોના પ્રોડ્યૂસર્સ કોઈને પણ સેલેરી આપી નથી રહ્યાં. કોરોનાને કારણે ટીવી ઈન્ડસ્ટ્રીની રોનક પાછળની કાળી હકીકત બધાંની સામે લાવી દીધી છે અને હવે તો હાલત એવી થઈ ગઈ છે કે, ટીવી જગતમાં કામ કામ કરનાર ઘણાં લોકો તો હવે આત્મહત્યા કરવાનું પણ વિચારવા લાગ્યા છે.