બંગાળી અભિનેત્રી શ્રુતિ દાસ સોશ્યલ મિડીયા પર પોતાની શ્યામ ત્વચાને લઇને કરવામાં આવતી અભદ્ર ટિપ્પણીઓ વિરુદ્ધ ફરિયાદ નોંધાવી છે. બંગાળી સિરીયલ ત્રિનયનીથી 2019માં પદાર્પણ કરનારી અભિનેત્રીએ કહ્યું કે 2 વર્ષથી તેની શ્યામ ત્વચાને લઇને ભદ્દી કમેન્ટ કરવામાં આવે છે અને હવે તે આ વસ્તુને સહન કરી શકે તેમ નથી.
દેશેર માટીમાં મુખ્ય અભિનેત્રી તરીકે અભિનય કરનારી 25 વર્ષીય અભિનેત્રીએ કહ્યું કે શરુઆતમાં બધાએ મને ટ્રોલ્સને નજરઅંદાજ કરવા કહ્યું અને મે તેવું જ કર્યુ પરંતુ સમય સાથે ટ્રોલિંગ વધતુ ગયુ. હું મારી પહેલી સિરીયલના ડિરેક્ટર સાથે રિલેશનશીપમાં છુ અને ટ્રોલર્સે તેને લઇને પણ અભદ્ર ટિપ્પ્ણીઓ કરી હતી. મારા ચરિત્ર અને પ્રતિભા પર પણ સવાલ ઉઠાવ્યા હતા.
તપાસ કરી રહી છે પોલીસ
શ્રુતિએ કહ્યું કે, મને લાગે છે મે આ ઘટનાને વધારે નજરઅંદાજ કરી તો લોકોને નફરત કરવાનું એક કારણ મળી જશે. કોલકાતા પોલીસના એક વરિષ્ઠ અધિકારીએ કહ્યું કે, કેસની તપાસ થઇ રહી છે.
શ્રુતિદાસની ફરિયાદ ઇમેઇલથી મળી છે અને તેણે કહ્યું છે કે તેના શ્યામ રંગના કારણે આ પ્રકારની અભદ્ર ટિપ્પણીનો સામને કરવો પડી રહ્યો છે. 2019થી આવી ટિપ્પણીઓ કરવામાં આવી રહી છે અને કેટલાક સ્ક્રીનશોટ પણ વાયરલ થયા છે.