'મધુબાલા' ફેમ એક્ટર વિવિયન ડીસેનાએ લગ્ન અને બાળકના બાદ પોતાનો ધર્મ બદલવાને લઈને અમુક ખુલાસા કર્યા છે. ક્રિશ્ચયન પરિવારમાં જન્મેલા વિવિયને જણાવ્યું કે તેમણે ઈસ્લામ ધર્મનો સ્વીકાર કર્યો છે અને દિવસમાં 5 વખત ઈબાદત કરવાથી તેમને શાંતિ મળે છે.
વિવિયન ડીસેનાએ સ્વીકાર્યો ઈસ્લામ ધર્મ
ક્રિશ્ચયન પરિવારમાંથી આવે છે વિવિયન
કહ્યું 5 વખત ઈબાદતથી મળે છે શાંતિ
ટીવી સીરિયલ 'મધુબાલા' ફેમ એક્ટર વિવિયન ડીસેનાએ સીક્રેટ વેડિંગ બાદ પોતાના પિતા બનવાની ખબરને લઈને લોકોને ચોંકાવી દીધા હતા. પોતાની પર્સનલ લાઈફને લઈને ચર્ચામાં રહેલા વિવિયને પહેલા વખત પોતાની પત્ની અને દિકરીને લઈને ચુપ્પી તોડી છે.
હકીકતે વિવિયને ગયા વર્ષે લગ્ન કર્યા હતા અને તે હવે 4 મહિનાની દિકરીના પિતા પણ બની ચુક્યા છે. એક ઈન્ટરવ્યૂમાં વિવિયને પોતાને લઈને જે ખુલાસા કર્યા છે તે ધર્મ બદલવાને લઈને છે. વિવિયને જણાવ્યું કે તેણે ઈસ્લામ ધર્મ અપનાવ્યો છે. ક્રિશ્ચિયન ફેમિલીમાં જન્મેલા વિવિયને જણાવ્યું કે તે પાછલા ઘણા સમયથી ઈસ્લામને ફોલો કરે છે.
ઈન્સ્ટાસ્ટોરી પર કર્યો ખુલાસો
હાલમાં જ વિવિયને ઈન્સ્ટાગ્રામ સ્ટોરી પર એ ખુલાસો કર્યો હતો કે તે રમઝાન સેલિબ્રેટ કરવા જઈ રહ્યો છે. પોતાની ઓફિશ્યલ પોસ્ટમાં તેણે ઈંશાઅલ્લાહ લખીને કોમેન્ટ કર્યું છે જેને લઈને ફેન્સ અનુમાન લગાવી રહ્યા હતા કે વિવિયને ઈસ્લામ તો નથી અપનાવી લીધો.
વર્ષ 2019થી ઈસ્લામ ધર્મને કરે છે ફોલો
વિવિયને કહ્યું છે કે તે વર્ષ 2019થી જ ઈસ્લામ ધર્મને ફોલો કરી રહ્યો છે. વિવિયને કહ્યું કે 'મારી લાઈફમાં વધારે કંઈ નથી બદલાયુ. હું ક્રિશ્ચિયન પરિવારમાં જન્મ્યો હતો અને હવે હું ઈસ્લામ ફોલો કરૂ છું. હું વર્ષ 2019થી જ રમઝાનના મહિને જ ઈસ્લામ ધર્મને માનવા લાગ્યો હતો. દિવસમાં 5 વખત ઈબાદત કરવાથી મને શાંતિ મળે છે.'
ઈજીપ્તની પત્રકાર સાથે કર્યા છે બીજા લગ્ન
જણાવી દઈએ કે વિવિયને પહેલા વાહબિઝ દોરાબજી સાથે લગ્ન કર્યા હતા પરંતુ વર્ષ 2021માં બન્નેના ડિવોર્સ થઈ ગયા. પોતાના બીજા લગ્ન અને બાળકને લઈને વિવિયને જણાવ્યું હતું કે તે પરણિત છે અને તાર મહિનાની દિકરીનો પિતા પણ છે. જણાવી દઈએ કે વિવિયને નૂરન અલી સાથે લગ્ન કર્યા છે. જે ઈજીપ્તની પત્રકાર છે.