મુંબઇઃ ટીવી એક્ટર સિદ્ધાર્થ શુક્લાની BMW કારે 3 કારને ટક્કર મારી હતી. આ ઘટનામાં 3 લોકો ઘાયલ થયા છે. મળતી માહિતી મુજબ સિદ્ધાર્થ પોતે જ કાર ચલાવી રહ્યો હતો. તે નશાની હાલતમાં હોવાની પણ શંકા છે. એટલું જ નહીં સિદ્ધાર્થ શુક્લાની કારની સ્પીડ એટલી હતી કે અકસ્માત બાદ તેની કાર ડિવાઈડર પર ચઢી ગઈ હતી.
જોકે અકસ્માત બાદ પોલીસે સિદ્ધાર્થ શુક્લાની અટકાયત કરી હતી. ત્યાર બાદ તેની વિરુદ્ધ રેસ ડ્રાઈવિંગ કરવાનો કેસ દાખલ કર્યો છે. ઓશિવારા વિસ્તારમાં સિદ્ધાર્થ કાર લઈને પસાર થઈ રહ્યો હતો. તે સમયે અકસ્માત સર્જાયો હતો. જેમાં સિદ્ધાર્થ શુક્લાની કાર પૂર ઝડપે હતી. અકસ્માતમાં સિદ્ધાર્થને પણ ઈજા પહોંચી હતી.
સિદ્ધાર્થ દિલસે દિલ તક લવ યૂ જિંદગી આહટ જાને પહચાને સે અજનબી જેવા ટીવી શોમાં નજરે આવી ચૂક્યા છે. તે રિયાલિટી શોનો જાણીતો ચેહરો છે. સિદ્ધાર્થ બિગ બોસ ખતરો કે ખિલાડી ઇન્ડિયાઝ ગોટ ટેલેન્ટ કોમેડી ક્લાસિસ સાવધાન ઇન્ડિયા સહિતના શોમાં કામ કરી ચૂક્યા છે.
ગત વર્ષ ઓગષ્ટમાં સિદ્ધાર્થ ચર્ચામાં રહ્યો જ્યારે તેમણે સેટ પર ખરાબ વર્તાવ કરવાનો આરોપ લાગ્યો. જેમાં અભદ્ર શબ્દોનો ઉપયોગ કરવાનું સામેલ હતું.