સજા / રૅપના આરોપ હેઠળ જાણીતા ટીવી ઍક્ટરને લેવાયો 14 દિવસની ન્યાયિક હિરાસતમાં

યુવતીની ફરિયાદ પછી કરણને પોલીસની કસ્ટડીમાં રાખવામાં આવ્યો હતો. પોલીસે કરણને 6 મેના ધરપકડ કરી હતી. આ મામલો સામે આવતા જ કરણના મિત્રો અને પરિવારજનોને કહેવુ છે કે ''યુવતી ખોટું બોલી રહી છે.''

મહિલાની ફરિયાદ એક્ટર પર રેપ, વીડિયો બનાવીને બ્લેકમેલ કરવાનો આરોપ છે. ઓશિવારા પોલીસ સ્ટેશનમાં FIR દાખલ કરવામાં આવી હતી. મહિલા અનુસાર બંનેની મુલાકાત 2016માં એક ડેટિંગ એપની મદદથી થઇ, જે પછી બંને મિત્રો બન્યા. મહિલાએ જણાવ્યુ કે, ''એક દિવસ કરણે તેણે પોતાના ફ્લેટ પર મળવા માટે બોલાવી અને ત્યાં લગ્ન કરવાનું વચન આપ્યુ.'' મહિલાએ દાવો કર્યો કે, ''આ દરમિયાન કરણે તેના પર રેપ કર્યુ અને વીડિયો બનાવીને પૈસાની માંગ કરી હતી.'' કરણે પીડિત મહિલાને ધમકાવી કહ્યું હતું કે જો તે પૈસા નહીં આપે તો તે આ વીડિયો સોશ્યલ મીડિયા પર વાયરલ કરી દેશે.

Mumbai: TV actor Karan Oberoi sent to 14-day judicial custody by
Andheri Court in connection with an alleged rape case against him. He was arrested on May 6.

— ANI (@ANI) May 9, 2019

મામલો સામે આવતા ટીવી ઇન્ડસ્ટ્રીના ઘણા સેલિબ્રેટી કરણના સપોર્ટમાં આવ્યા. કરણની મિત્ર પૂજા બેદીએ તાજેતરમાં જ એક પ્રેસ કોન્ફરન્સ બોલાવી. જેમાં તેણે કહ્યુ કે, 'મહિલાઓ કાયદાઓનો ખોટું ઉપયોગ કરી રહી છે. કરણની સાથે પણ આવું થયુ છે.'' પૂજા, કરણને 15 વર્ષથી જાણે છે. પૂજાએ કરણને નિર્દોષ ગણાવ્યો છે.

પૂજાએ એક ઇન્ટરવ્યૂમાં જણાવ્યુ કે, ''કરણ પોલીસ કસ્ટડીમાં મુશ્કેલીથી સમય પસાર કરી રહ્યો છે, તે ફિઝિકલી અને મેન્ટલી પરેશાન થઇ રહ્યો છે.'' પૂજાએ કહ્યુ કે, ''ખોટા કેસમાં તેણે ફસાવવામાં આવી રહ્યો છે.'' પૂજાએ જણાવ્યુ કે, ''પોલીસે જણાવ્યુ કે, FIRમાં વિરોધાભાષ છે જે ચાલી રહ્યુ છે તે સ્પષ્ટ છે. તે કોઇ પણ ગુના વગર સજા ભોગવી રહ્યો છે. અમે દુઆ કરીએ છીએ કે તે જલ્દી બહાર આવી જાય.''

ઉલ્લેખનીય છે કે, કરણ ઑબરોય છેલ્લે એમેઝોન પ્રાઇમની સીરિઝ ઇનસાઇડ એજમાં જોવા મળ્યો હતો. કરણ ઑબરોયે 1995માં સીરિયલ સ્વાભિમાનથી કરિયરની શરૂઆત કરી હતી. આ પછી તે જસ્સી જૈસી કોઇ નહી અને ઝિંદગી બદલ શકતી હૈ જેવા શોમાં જોવા મળ્યો હતો. કરણ ઓબેરોય એક્ટર હોવાની સાથે-સાથે એન્કર અને સિંગર પણ છે. માહિતી પ્રમાણે કરણ અને ટીવી એક્ટ્રેસ મોના સિંહ સાથે અફેર પણ હતુ. બંનેની મુલાકાત વર્ષ 2006માં થઇ હતી .