એપ્રિલનો મહિનો લોકો માટે મોંઘવારી લઈને આવી રહ્યો છે. પેટ્રોલ-ડીઝલના વધતા ભાવ પહેલા જ મુશ્કેલી બન્યા છે હવે TV, AC,ફ્રિઝ, LED પણ મોંઘા થવાના છે.
એપ્રિલનો મહિનો વધારશે ખર્ચો
તમારા ખિસ્સા પર વધશે ભાર
જાણો કઈ કઈ વસ્તુઓ થશે મોંઘી
બજેટ 2022માં કરવામાં આવેલી જોગવાઈઓના કારણે 1 એપ્રિલથી ઉપભોક્તાઓ પર મોંઘવારીનો માર વધારે વધવાનો છે. કાલથી TV, AC,ફ્રિઝ, LED અને મોબાઈલનો ઉપયોગ પણ મોંઘો થઈ જશે.
હકીકતે નાણામંત્રી નિર્મલા સીતારમણે આ વર્ષે ફેબ્રુઆરીમાં રજૂ કરેલા બજેટમાં ઘણા ઉત્પાદનો પર ટેક્સ વધાર્યો હતો. જ્યારે અમુક પર તેમાં ઘટાડો કર્યો હતો. નવા ભાવ 1 એપ્રિલથી લાગુ થઈ રહ્યા છે. તેના કારણે ક્રૂડ ઓઈલ પર ઉત્પાદનનો ખર્ચ વધશે. તેની સાથે જોડાયેલા ઉત્પાદનોની કિંમતોમાં પણ વધારો થવો નક્કી માનવામાં આવી રહ્યો છે.
આ કારણે મોંઘા થશે ટીવી, એસી, ફ્રિઝ
સરકારે 1 એપ્રિલથી એલ્યુમિનિયમ ઓર અને કોન્સન્ટ્રેટ પર 30 ટકા આયાત જકાત લાદી છે. તેનો ઉપયોગ ટીવી, એસી અને ફ્રીઝના હાર્ડવેર બનાવવામાં થાય છે. ક્રૂડ ઓઈલનો સપ્લાય મોંઘો થવાના કારણે કંપનીઓના ઉત્પાદનમાં સતત વધારો થશે અને તેનો સીધો બોજો ગ્રાહકો પર પડશે. તે ઉપરાંત કંપ્રેસરમાં ઉપોયગ થતા પાર્ટ્સ પર પણ ટેક્સ વધારી દેવામાં આવ્યો છે. જેના કારે રેફ્રિજરેટરના ભાવમાં વધારો થશે.
LED બલ્બના પણ વધી જશે ભાવ
સરકારે કહ્યું છે કે LED બલ્બ બનાવવામાં વપરાતી સામગ્રી પર 6 ટકા રિઈમ્બર્સમેન્ટ ડ્યૂટીની સાથે મૂળભૂત કસ્ટમ ડ્યૂટી વસૂલવામાં આવશે. 1 એપ્રિલથી તેનો નવો નિયમ લાગુ થયા બાદ LED બલ્બ પણ મોંઘા થઈ જશે.
સરકારે ચાંદી પરની આયાત ડ્યૂટીમાં પણ ફેરફાર કર્યો છે, જેના કારણે ચાંદીના વાસણો અને તેનાથી બનેલા ઉત્પાદનો પણ 1 એપ્રિલ પછી મોંઘા થઈ જશે. આ ઉપરાંત સ્ટીલની વસ્તુઓ પર પણ મોંઘવારીનો માર પડશે અને આવતીકાલથી સ્ટીલના બનેલા વાસણો મોંઘા થશે.
મોબાઈલ ખિસ્સાનો બોજ વધારશે
સરકારે મોબાઈલ ફોન બનાવવા માટે વપરાતા પ્રિન્ટેડ સર્કિટ બોર્ડ પર પણ કસ્ટમ ડ્યુટી લગાવી છે. એટલે કે બહારથી આ ઉત્પાદનોની આયાત હવે મોંઘી થશે. જેની અસર કંપનીઓના ઉત્પાદન ખર્ચ પર પડશે. અમેરિકન ફર્મ ગ્રાન્ટ થ્રોન્ટનના જણાવ્યા અનુસાર સરકારના આ નિર્ણયની સીધી અસર ગ્રાહકો પર પડશે અને મોબાઈલની કિંમતો વધી શકે છે.
ટેલિકોમ કંપનીઓ પણ આપશે ઝટકો
અત્યાર સુધી ટેલિકોમ કંપનીઓ તેમના ગ્રાહકોને ફ્રી અનલિમિટેડ ડેટા અને કોલિંગની સુવિધા આપતી હતી. તેઓ આ સેવાઓ 31 માર્ચે સમાપ્ત કરશે. આવી સ્થિતિમાં, 4G માર્કેટમાં વધતી સ્પર્ધા વચ્ચે, આવા ગ્રાહકોએ હવે ટેરિફ પ્લાન પસંદ કરવો પડશે અને તેના પર મોબાઇલ યુઝ કરવાનો ખર્ચ પણ અજાણતાં વધી જશે.
આ ઉત્પાદનો થઈ શકે છે સસ્તા
બજેટમાં સ્માર્ટફોનને લગતી ઘણી પ્રોડક્ટ્સ પરની ઈમ્પોર્ટ ડ્યૂટીમાં પણ ઘટાડો કરવામાં આવ્યો છે. જેમાં મોબાઈલ ચાર્જર, ટ્રાન્સફોર્મર, કેમેરા લેન્સ મોડ્યુલ જેવી વસ્તુઓનો સમાવેશ થાય છે. નવી ડ્યુટી લાગુ થયા બાદ સંબંધિત ઉત્પાદનોની કિંમતો નીચે આવી શકે છે. સરકારે સ્માર્ટવોચ અને ફિટનેસ બેન્ડના કેટલાક ભાગો પરની એક્સાઈઝ ડ્યુટી પણ ઘટાડી છે. જેના કારણે એપ્રિલથી આ પ્રોડક્ટ્સ થોડી સસ્તી થઈ શકે છે.