નવું નવાઈકારક / નોઈડામાં 23 વર્ષની ટીચર પડી 16 વર્ષના છોકરાના પ્રેમમાં, પછી તો 'પ્યારને પહોંચાડ્યો પરકાષ્ઠાએ'

• નોઈડાનાં સેક્ટર-123માં અપહરણની ઘટના
• 23 વર્ષીય ટીચરે 16 વર્ષીય સ્ટૂડન્ટનું કર્યું અપહરણ
• ટીચર વિદ્યાર્થીનાં પ્રેમમાં હતી- પોલીસ

નોયડાનાં સેક્ટર-123માં સ્થિત ઉન્નતિ વિહાર કોલોનીમાં રહેનારા વિજય શુક્લાએ આરોપ લગાવ્યો છે કે તેમના 16 વર્ષીય છોકરાને ટ્યૂશન ભણાવનારી 23 વર્ષીય મહિલાએ તેનું અપહરણ કરેલ છે. બાળકનાં પિતાએ આ ટ્યૂશન ટીચરની સામે સેક્ટર 113નાં પોલીસ સ્ટેશનમાં કેસ નોંધાવ્યો છે. 

ટીચર સ્ટૂડન્ટનાં પ્રેમમાં પડી...
સેક્ટર-113નાં પોલીસ સ્ટેશનનાં ઈન્ચાર્જ ઈન્સ્પેક્ટર પ્રમોદ પ્રજાપતિએ જણાવ્યું કે ઉન્નતિ વિહાર કોલોનીમાં રહેનારાં વિજય શુક્લાએ ફરિયાદ નોંધાવી છે કે તેમનાં 16 વર્ષીય દીકરો તે જ સોસાયટીમાં રહેનારી આયશા પાસે ટ્યૂશનમાં ભણવા જતો હતો. વિજય શુક્લાએ આરોપ લગાવ્યો છે કે ટીચર તેમના દીકરાને લઈને ફરાર થઈ ગઈ છે. પ્રજાપતિએ જણાવ્યું કે તપાસ દરમિયાન પોલીસને જાણવા મળ્યું કે ટીચર સ્ટૂડન્ટને પસંદ કરવા લાગી હતી. તેમણે જણાવ્યું કે ઘટનાની રિપોર્ટ નોંધીને વિદ્યાર્થીને શોધવા માટે 2 ટીમ બનાવવામાં આવી છે. 

નોઈડામાં સગીરા સાથે દુષ્કર્મની પણ એક ઘટના
બીજી તરફ સૂત્રો અનુસાર નૉલેજ પાર્ક ક્ષેત્રમાં રહેનારી 17 વર્ષીય છોકરીને એક વ્યક્તિએ હોટલમાં લઈ જઈ, નશીલો પદાર્થ પીવડાવીને તેની સાથે રેપ કર્યો હતો. ઘટનાની રિપોર્ટ નોંધીને પોલીસ હાલમાં ઘટનાની તપાસ કરી રહી છે. નૉલેજ પાર્ક સ્ટેશનનાં ઈન્ચાર્જ ઈન્સ્પેક્ટર વિનોદ કુમારસિંહે જણાવ્યું કે સગીરાએ રિપોર્ટ નોંધાવી છે કે સૈની ગામનાં નિવાસી દીપક તેને હોટલ લઈ ગયો અને ત્યાં તેને નશાયુક્ત પદાર્થ પિવડાવી બેભાન કરી અને દુષ્કર્મ આચર્યું.