સમગ્ર રાજ્યને હચમચાવી નાખનાર સુરતના ટ્યૂશન કલાસીસમાં લાગેલી ભીષણ આગમાં સ્થાનિક તંત્ર અને બિલ્ડરોના પાપે રર નિર્દોષ બાળકોનો ભોગ લેવાયા બાદ અમદાવાદ મ્યુનિસિપલ કોર્પોરેશન કુંભકર્ણી નિદ્રામાંથી સફાળું જાગ્યું છે. મ્યુનિસિપલ કમિશનર વિજય નહેરાએ બિલાડીની ટોપની જેમ શહેરમાં ફૂટી નીકળેલા ટ્યૂશન કલાસીસને તાળાં મારવાની તેમજ ગેરકાયદે શેડ, પાર્ટિશન સહિતનાં બાંધકામને તોડી નાખવાનો મજબૂત ઇરાદો વ્યક્ત કર્યો છે.
જો કે આ ચારેક મહિના પહેલાં જીવરાજ પાર્ક પાસેની બિલ્ડિંગના બેઝમેન્ટમાં ધમધમતા ટ્યૂશન કલાસીસમાં લાગેલી વિકરાળ આગમાં ૪પ બાળકો ફસાઇ ગયાં હતાં. તે વખતે તો બાળકોને સલામત બહાર કાઢીને સત્તાવાળાઓએ કાગળ પર તપાસનાં નાટક શરૂ કર્યાં હતાં ત્યાર બાદ થોડા દિવસમાં આ ટ્યૂશન કલાસીસ ફરીથી ચાલુ થતાં મ્યુિનસિપલ કોર્પોરેશનની નિયત સામે પ્રશ્નો ઉઠ્યા છે.
બે મહિના લાલ આંખ કરીને સત્તાધીશો પાણીમાં બેસી જશે તેવી લાગણી જન માનસમાં જોવા મળી છે. આ સંજોગોમાં સુરત જેવા કોઇ નવા અગ્નિકાંડની રાહ તો નહીં જોવાયને કે પછી માસૂમ બાળકોને જીવતાં આગમાં ભુંજાતાં રોકવા ‘સ્ટાર્ટ ટુ ફિનિશ’નો તંત્ર આક્રમક અભિગમ અપનાવાશે તેમ લોકોમાં ચર્ચાઇ રહ્યું છે.
સુરતના સરથાણા જકાતનાકા પાસેના તક્ષશિલા આર્કેડમાં ગઇ કાલે બપોરે સાડા ત્રણ વાગ્યે લાગેલી વિકરાળ આગમાં ૬થી ર૦ વર્ષનાં રર બાળકો ભડથું થઇ ગયાં! આગથી બચવા બાળકો ચોથા માળેથી કુદયાં, આગથી મૃત્યુ પામેલા આ કમનસીબ બાળકો ઘડિયાળ-વિંટીથી ઓળખાયાં. બચવા માટે બારીમાંથી કૂદતાં બાળકોને બચાવવા માટે ફાયરબ્રિગેડ પાસે સીડી કે જાળી પણ ન હતાં. સુરતના અગ્નિકાંડમાં સંબંધિત અધિકારીઓ અને બિલ્ડરનો ભ્રષ્ટાચાર સપાટી પર આવ્યો છે કેમ કે આખ્ખેઆખો માળ ગેરકાયદે બાંધી દેવાયો હતો.
બીજી તરફ અમદાવાદમાં એક અંદાજ પ્રમાણે ત્રણથી ચાર હજાર ટ્યૂશન કલાસીસ છે. શેડ બાંધીને બિલ્ડિંગના ટેરેસ પર ચાલતા ટ્યૂશન કલાસીસ સામે સુરતની જેમ અમદાવાદમાં પણ ઇરાદાપૂર્વક આંખ આડા કાન કરાય છે. ગલી-ગલીએ ધમધમતા ટ્યૂશન કલાસીસની નોંધણી માટેની કોઇ વ્યવસ્થા નથી. ટ્યૂશન કલાસીસ ચલાવવા માટે ફાયર સેફટીનાં કોઇ રેગ્યુલેશન નથી.
જીડીસીઆરમાં બિલ્ડિંગના બાંધકામનાં ધારા ધોરણ છે પરંતુ એલિવેશન માટે કોઇ નિયમ ન હોઇ ટફન ગ્લાસથી દીવાલો ઢંકાતી હોઇ બાળકો ધુમાડાથી પણ મોતને ભેટી શકે છે. આગની ઘટના વખતે બાળકોને સુરક્ષિત બહાર નીકળવા સાંકડી સીડી સિવાય કોઇ વૈકલ્પિક વ્યવસ્થા રખાતી નથી કેમ કે ફાયબર કે લાકડાનાં પાર્ટિશનથી બંધ ડબ્બા જેવાં વેન્ટિલેટર અને