એટેક / અમેરિકી સેના હટતાં તુર્કીનો સીરિયા પર હુમલો, સાત નાગરિકોના મોત, ટ્રમ્પે આપી ચેતવણી

• ડોનાલ્ડ ટ્રમ્પે તુર્કીને આપી ચેતવણી
• તુર્કીએ કરેલા હુમલામાં સાત નાગરિકોના મોત
• સીરિયામાં કેદ કરાયેલા આતંકીઓને અજ્ઞાતસ્થળે લઇ જવાયાં

ડોનાલ્ડ ટ્રમ્પે આપી હતી ચેતવણી

સેના હટી ગયા બાદ થોડા કલાકોમાં અમેરિકાના રાષ્ટ્રપતિ ડોનાલ્ડ ટ્રમ્પે નાટોના સહયોગી તુર્કીને ચેતાવણી આપી હતી કે જો તે સીરિયા વિરુધ્ધ કોઇ કાર્યવાહી કરશે તો તેમની અર્થવ્યવસ્થા બરબાદ કરી દેવામાં આવશે. અમેરિકાના આ પગલાથી IS વિરુધ્ધ લડાઇમાં તેના મુખ્ય સહયોગી કુર્દ એકલા પડી ગયા હતા. 

અમેરિકી રાષ્ટ્રપતિએ આશા વ્યક્ત કરી હતી કે...

અમેરિકાના રાષ્ટ્રપતિ ડોનાલ્ડ ટ્રમ્પે આશા વ્યક્ત કરી હતી કે તુર્કી તર્કસંગત કાર્ય કરશે. ટ્રમ્પે ઉત્તર સીરિયામાં અંકારામાં પોતાના ઓપરેશનને જો માનવીય રીતે નહીં કર્યું તો કડક કાર્યવાહી હેઠળ આકરા પ્રતિબંધ લાદવા પર વિચાર કરવો પડશે.

સીરિયામાં કેદ કરાયેલા ISના આતંકવાદીઓને અજ્ઞાતસ્થળે લઇ જવાયાં

અમેરિકાના રાષ્ટ્રપતિ ડોનાલ્ડ ટ્રમ્પે કહ્યું કે અમેરિકાએ સીરિયામાં કેદ કરાયેલા કેટલા ખતરનાક IS (ઇસ્લામિક સ્ટેટ)ના આતંકીઓને કોઇ અજ્ઞાતસ્થળ પર સ્થળાંતર કરી દેવામાં આવ્યાં છે. ટ્રમ્પે કહ્યું કે તેમને એવી જગ્યા પર રાખવામાં આવ્યાં છે જ્યાંથી સીરિયામાં તુર્કીના સેન્યની ઘૂસણખોરી દરમિયાન તેમના પર નજર રાખી શકાય.